Hadiis: M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã

عَنِ ابْنِ عُمَرَ رَضِيَ اللَّهُ عَنْهُمَا:
أَنَّ رِجَالًا مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ أُرُوا لَيْلَةَ القَدْرِ فِي المَنَامِ فِي السَّبْعِ الأَوَاخِرِ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «أَرَى رُؤْيَاكُمْ قَدْ تَوَاطَأَتْ فِي السَّبْعِ الأَوَاخِرِ، فَمَنْ كَانَ مُتَحَرِّيهَا فَلْيَتَحَرَّهَا فِي السَّبْعِ الأَوَاخِرِ».
[صحيح] - [متفق عليه] - [صحيح البخاري: 2015]

Yii a ɭbn ʿƲmar nengẽ (Wẽnd yard be b yiibã yĩnga):
Tɩ rap sẽn yi Nabiyaamã (Wẽnd pʋʋsg la A tɩlgr be a yĩnga) Ṣahaabsẽ wã n yã kordgã yʋng b gõeemẽ wã, rasem a yopoe yaoogã pʋgẽ, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele:«M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 2015]

bilgrã

Rap sẽn yi Nabiyaamã Ṣahaabsẽ wã (Wẽnd pʋʋsg la A tɩlgr be a yĩnga) n yã zãmsd pʋgẽ tɩ Laylat al-ƙadrã a yɩta Ramdaanã rasem a yopoe baasdgẽ wã. Tɩ Nabiyaamã (Wẽnd pʋʋsg la A tɩlgr be a yĩnga) yeele: mam neeme tɩ yãmb zãmsd-rãmbã b tʋg n zems rasem a yopoe baasdgã, rẽnd ned ning sẽn na n bao-a bɩ a bao-a a pʋgẽ, tɩ rẽnda n wõnd a na yɩ Laylat al-ƙadre, la yẽ sɩngda rasem pisi la a naasã yʋngo sã n mik tɩ Ramadaanã yaa rasem pis-tãabo, la a sɩngda rasem pisi la a tãabã yʋngo, sã n mik tɩ Ramadaanã yaa rasem pisi la a wae.

Sẽn be Hɑdiisã yõod-rãmbẽ

1. Wilgda Laylat alƙadrã yɩɩdlem la b kengd tɩ b bao-a.
2. Sẽn be Wẽnd minimã la A yolsgã pʋgẽ la A sẽn solg yʋng-kãngã, sẽn na yɩl tɩ nebã nidg pãng ne tũudmã n bao-a tɩ b yel-sõmã wã wʋsge.
3. Laylat alƙadrã bee Ramadaanã rasem pi-yaoogã pʋgẽ, la a rasem lugmẽ wã la a pẽ n yɩɩda.
4. Laylat alƙadrã yaa Ramadaanã rasem pi-yaoogã rasem a yembre, yẽ me la yʋng ninga Wẽnd (A Namm yɩ wagell n zẽke) sẽn sik Alkʋrãanã Nabiyaamã zugu (Wẽnd pʋʋsg la A tɩlgr be a yĩnga), la A maan yʋng-kãngã t'a sõmblemã yɩɩd kiuus tusri, barkã la a ƙadrã la tʋʋm sõngã keelem.
5. Rẽnd sẽn yeel tɩ (Kordg yʋngã) tõeeme tɩ yaa a zɩslemã la b sẽn pʋd-a woto wã, bala b yetame: a zagl alkadrã yaa bedre, tɩ sẽn rɩk yʋngã n lagem ne alƙadrã yɩta b sẽn rɩk bũmb n tõk ne a sɩf (bilgri) rat n na n yeel tɩ yʋn-zɩsgã, t'a võorã yaa t'a alƙadrã yaa zɩslgo, zɩslemã sẽn wa n yaa a soab fãa gilli, bala Wẽnd yeelame: (Ad Tõnd sik-a-la yʋng pʋgẽ sẽn yaa bark yʋngo) [Ad-dʋẖaan (Bug-zõosã sʋʋra): 3]. La tõeeme tɩ sẽn yet tɩ kordgã yaa pʋlengo, wakat-kãnga yaa bũmb ning sẽn yɩt yʋngã pʋgẽ wã tɩ b kell n rɩk yẽnda pʋde, rat n yeel tɩ yãwã yaa yʋng ninga b sẽn na n pʋlem bũmb ninga sẽn na n yɩ yʋʋmdã pʋgẽ wã fãa gilli, wala Wẽnd sẽn yeele: (Yʋʋn-kãngɑ pʋgẽ la b welgd yell buud fãa sẽn bʋ n manege) [Ad-dʋẖaan (Bug-zõosã sʋʋra): 4].