Хадис: „Гледам дека вашите соништа се совпаѓаат во тоа дека таа е во последните седум ноќи – па кој сака да ја бара, нека ја бара во тие седум последни ноќи.“

عَنِ ابْنِ عُمَرَ رَضِيَ اللَّهُ عَنْهُمَا:
أَنَّ رِجَالًا مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ أُرُوا لَيْلَةَ القَدْرِ فِي المَنَامِ فِي السَّبْعِ الأَوَاخِرِ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «أَرَى رُؤْيَاكُمْ قَدْ تَوَاطَأَتْ فِي السَّبْعِ الأَوَاخِرِ، فَمَنْ كَانَ مُتَحَرِّيهَا فَلْيَتَحَرَّهَا فِي السَّبْعِ الأَوَاخِرِ».
[صحيح] - [متفق عليه] - [صحيح البخاري: 2015]

Ибн Омер, Аллах нека е задоволен со него и со неговиот татко, раскажува:
Некои луѓе од асхабите на Пратеникот, салаллаху алејхи ве селем, во сон виделе дека Ноќта на Кадр се наоѓа во последните седум ноќи од рамазан. Тогаш Божјиот пратеник, салаллаху алејхи ве селем, рече: „Гледам дека вашите соништа се совпаѓаат во тоа дека таа е во последните седум ноќи – па кој сака да ја бара, нека ја бара во тие седум последни ноќи.“
[صحيح] - [متفق عليه] - [صحيح البخاري - 2015]

Објаснување

Некои асхаби на Пратеникот, салаллаху алејхи ве селем, виделе во сон дека Ноќта на Кадр е во последните седум ноќи од рамазан. Пратеникот, салаллаху алејхи ве селем, ги потврдил нивните соништа, па го охрабрил оној кој сака да ја бара таа ноќ, да вложи труд во нејзиното барање преку зголемување на добрите дела, бидејќи најверојатно таа се наоѓа токму во тие ноќи. Овие седум ноќи започнуваат од дваесет и четвртата, ако рамазан брои триесет дена, а ако месецот има дваесет и девет дена, тогаш започнуваат од дваесет и третата ноќ.

من فوائد الحديث

1. Вредноста на ноќта на Кадр и поттик за нејзиното барање.
2. Од мудроста и милоста на Аллах е тоа што ја сокрил ноќта на Кадр, за верниците да ја бараат и да се залагаат во ибадетот, па со тоа да се зголеми нивната награда.
3. Ноќта на Кадр се наоѓа во последните десет ноќи од месецот рамазан, а најголемата веројатност е дека се наоѓа во непарните ноќи.
4. Таа е една од ноќите во последната третина од рамазанот, ноќта во која Возвишениот Аллах го објавил Куранот на Пратеникот, салаллаху алејхи ве селем, и ја возвеличал со тоа што ја направил подобра од илјада месеци – по својот бериќет, значење и наградата што ја носи доброто дело во неа.
5. Ноќта на Кадр – со сукун на буквата „д“ (т.е. „кадр“, а не „кадер“) – е наречена така од два аспекта:
6. Или поради нејзината вредност и чест – бидејќи се вели: „тој човек има голем кадр“, односно: висока вредност и положба. Во тој контекст, зборот „кадр“ ја опишува самата ноќ, значејќи: величествена и вредна ноќ, со висока положба и чест. На ова укажуваат зборовите на Возвишениот: „Ние започнавме да ја објавуваме во Благословената ноќ, и Ние навистина опоменуваме." (Ед-Духан, 3)
7. Или поради значењето „одредување“ (кадер) – бидејќи оваа ноќ е поврзана со одредувањето на она што ќе се случува во текот на целата година. Во тој случај, поврзувањето на ноќта со „кадер“ претставува поврзување на времето со она што се случува во него. На тоа укажуваат и зборовите на Возвишениот Аллах: „Во оваа ноќ се одлучува секоја совршено одредена работа.“ (Ед-Духан, 4)