Ab Adiis: gis naa ne seen gent yi dañoo dëppoo ci juróom-ñaar yu mujj yi, ku koy diir na ko diir ci juróom-ñaar yu mujj yi

عَنِ ابْنِ عُمَرَ رَضِيَ اللَّهُ عَنْهُمَا:
أَنَّ رِجَالًا مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ أُرُوا لَيْلَةَ القَدْرِ فِي المَنَامِ فِي السَّبْعِ الأَوَاخِرِ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «أَرَى رُؤْيَاكُمْ قَدْ تَوَاطَأَتْ فِي السَّبْعِ الأَوَاخِرِ، فَمَنْ كَانَ مُتَحَرِّيهَا فَلْيَتَحَرَّهَا فِي السَّبْعِ الأَوَاخِرِ».
[صحيح] - [متفق عليه] - [صحيح البخاري: 2015]

Jële nañu ci Ibn Umar -yal na leen Yàlla dollee gërëm- mu wax ne:
Ay gaay ci Sahaabay Yonnente bi yal na ko Yàlla dolli xéewal ak mucc wan nañu leen Laylatul Xadri ci ay nelaw ci juróom-ñaari fan yi mujj, Yonente Yàlla bi daal di wax ne: "gis naa ne seen gent yi dañoo dëppoo ci juróom-ñaar yu mujj yi, ku koy diir na ko diir ci juróom-ñaar yu mujj yi".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 2015]

Leeral

Ay gaay ci Sahaabay Yonente bi yal na ko Yàlla dolli xéewal ak mucc dañoo gis ci ay nelaw ne Laylatul Xadri ci juróom-ñaari guddi yi mujj ci weeru koor lay nekk. Yonente bi daldi wax ne: gis naa seen gent yi dëppoo ci juróom-ñaar guddi yi mujj ci weeru koor, ku koy sàkku ta xér sa, na góor-góor lu ci dàkk ko ak sàkku ko ci baril ay jëf yu baax ndaxte moom ci juróom-ñaari guddi yu mujj yi la gën a yaakaaru, moom day tàmbali ci guddig ñaar-fukk ak ñent, bu dee weeru koor wi fanweeri fan la, muy tàmbali ci guddig ñaar-fukk ak ñatt bu dee weeru koor wi ñaar-fukki fan la ak juróom-ñent.

Bokk na ci njariñi Adiis bi

1. Ngëneelu Laylatul Xadri ak soññee ci sàkku ko.
2. Bokk na ci xereñteg Yàlla ak yërmàndeem mu nëbb guddi gii ngir nit ñi pasteefu ci jaamu gi, ngir sàkku ko, ndax seen yool bari.
3. Laylatul Xadri ci fukki guddi yi mujj ci weeru koor la nekk, te ci juróom-ñaar yu mujj yi la gën a yaakaaru.
4. Laylatul Xadri benn la ci fukki guddi yi mujj ci weeru koor, te mooy guddi gi Yàlla mu màgg mi wàcce Alxuraan ci Yonente bi yal na ko Yàlla dolli xéewal ak mucc, mu def guddi gii mu gën junniy weer ci baarke, ak màggug dayoom, ak jeexiti jëf yu baax ci moom.
5. Tudde nañu ko(Laylatul Xadri) ci sukoon Daal gi, benn mu jóge ci teddnga, dees na wax: diw ku màgg dayo la, laafal gi ñu laafal guddi gi nekk ci buntub laafal dara ci meloom, maanaam guddi gu tedd gi, maanaam moom ku màgg dayo la ci teddnga ak ug màggaay ak ug dayo ba mu jeex, {Nun noo ko wàcce ci guddi gu baarkeel} [Ad-Duxaan: 3], benn mu jóge ci nattale: laafal gi nekk laafal jamono ca la mu làmboo, maanaam guddi gii mooy gi nga xam ne ca ka nattale liy am ci at mi di nekk, {ca lañuy teqale bépp mbir mu ñu xereñe} [Ad-Duxaan: 4].