Ab Adiis: Yonente Yàlla bi yal na ko Yàlla dolli xéewal ak mucc bu fukki guddi yi daan dugg da daan dundal guddi yi, yee njabootam, pasteefu daal di takku ba dëgër

عَنْ عَائِشَةَ أُمِّ المُؤْمِنينَ رَضِيَ اللهُ عَنْهَا قَالَتْ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا دَخَلَ الْعَشْرُ أَحْيَا اللَّيْلَ، وَأَيْقَظَ أَهْلَهُ، وَجَدَّ وَشَدَّ الْمِئْزَرَ.
[صحيح] - [متفق عليه] - [صحيح مسلم: 1174]

Jële nañu ci Aysatu ndayu jullit ñi -yal na ko Yàlla dollee gërëm- mu wax ne:
Yonente Yàlla bi yal na ko Yàlla dolli xéewal ak mucc bu fukki guddi yi daan dugg da daan dundal guddi yi, yee njabootam, pasteefu daal di takku ba dëgër.
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Muslim bi gën a wér - 1174]

Leeral

Yonente bi yal na ko Yàlla dolli xéewal ak mucc bu fukki guddi yi mujj ci weeru koor daan dugg da daan dundal guddi yépp, ci ay xeeti jaamu, daal di yee njabootam ngir julli, mu pasteefu ci jaamu gi yokk la mu aadawoo woon, daal di bàyyi lépp ngir moom , daal di beru soxnaam yi.

Bokk na ci njariñi Adiis bi

1. Xemmemloo ci gaawantu ci waxtuy ngëneel yi ci ay jëf yu baax.
2. An-Nawawii nee na: nekk na ci hadiis bi: ne sopp nañu yokk jaamu yi ci fukki fan yi mujj ci weeru koor, sopp nañu it dundal ay guddeem ci ay jaamu.
3. Jaadu na ci jaam bi mu nekk ku xér ci njabootam ci digal leen jaamu yi, ak muñloo leen ci.
4. Def yiw yi day aajowoo ag dogu ak ug muñ ak dëgër lool.
5. An-Nawawii nee na: woroom xam-xam yi wuute nañu ci maanaam (mu takk geñoom) nee nañu: mooy pasteefu ci jaamu yi ak yokk la mu aadawoo woon, nee nañu it: moom dàkkantal la ci beru jigéen ñi ngir yittewoo jaamu yi.