Ab Adiis: ku ñu ag ñeewant xañees na ko aw yiw

عَنْ جَرِيرٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ يُحْرَمِ الرِّفْقَ يُحْرَمِ الْخَيْرَ».
[صحيح] - [رواه مسلم] - [صحيح مسلم: 2592]

Jële nañu ci Jariir -yal na ko Yàlla dollee gërëm- mu jële ci Yonnente bi -yal na ko Yàlla dolli xéewal ak mucc- mu wax ne:
«ku ñu ag ñeewant xañees na ko aw yiw».
[Wér na] - [Muslim soloo na ko] - [Téere Muslim bi gën a wér - 2592]

Leeral

Yonnente bi yal na ko Yàlla dolli xéewal ak mucc day xibaare ne ku ñu xañ ñeewant ba dëppoowul ak moom ci biri diinee ak àddina ak ni muy doxale ci boppam, ni muy doxale ak ñeneen ñi, kooku xañ nañu ko léppi yiw.

Bokk na ci njariñi Adiis bi

1. Ngëneelu ñeewant ak ñaaxe ci ñu jikkowoo ko, ak ŋàññ ak soxor.
2. Ci ñeewant la yiwi ñaari kër yi di nosewoo te ci lay seen i mbir di yaatoo,waaye ci soxor la safaani loolu di ame.
3. Ñeewant ci jikkó yu rafet lay balle ak jàmm, waaye soxor ci mer ak ñaaw jikkó, looloo tax Yonnente bi yal na ko Yàlla dolli xéewal ak mucc tagg ñeewant lool sax.
4. Sufyaan As-Sawrii yal na ko Yàlla yërëm dafa wax ay àndadoom ne leen: ndax xam ngeen luy ñeewant? Mooy nga tek mbir yi ca barabam, tar-tar ci barabam, ak nooy ci barabam, ak jaasi ci barabam, ak yar ci barabam.