হাদীছ: যিয়ে নম্ৰতাৰ পৰা বঞ্চিত হয়, সি দৰাচলতে কল্যাণৰ পৰা বঞ্চিত হয়।
عَنْ جَرِيرٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ يُحْرَمِ الرِّفْقَ يُحْرَمِ الْخَيْرَ».
[صحيح] - [رواه مسلم] - [صحيح مسلم: 2592]
المزيــد ...
জাৰীৰ ৰাদ্বিয়াল্লাহু আনহুৰ পৰা বৰ্ণিত, নবী চাল্লাল্লাহু আলাইহি অছাল্লামে কৈছেঃ
"যিয়ে নম্ৰতাৰ পৰা বঞ্চিত হয়, সি দৰাচলতে কল্যাণৰ পৰা বঞ্চিত হয়।"
[ছহীহ] - [(মুছলিম)] - [ছহীহ মুছলিম - 2592]
হাদীছটোত নবী চাল্লাল্লাহু আলাইহি অছাল্লামে জনাইছে যে, যিয়ে নম্ৰতাৰ পৰা বঞ্চিত হৈছে, সি দ্বীন আৰু দুনিয়াৰ বিষয়বোৰত সফল হ'ব নোৱাৰে, নিজৰ ক্ষেত্ৰতে হওক বা আনৰ ক্ষেত্ৰত, কাৰণ তাক সকলো প্ৰকাৰৰ কল্যাণৰ পৰা বঞ্চিত কৰা হৈছে।
হাদীছৰ পৰা সংগৃহীত উপকাৰিতাসমূহ
- হাদীছটোত নম্ৰতাৰ ফজিলত আৰু নম্ৰতা অৱলম্বন কৰিবলৈ উৎসাহিত কৰা হৈছে, আৰু নিষ্ঠুৰতাক ভৰ্ৎসনা কৰা হৈছে।
- নম্ৰতাই ইহকাল আৰু পৰকালত কল্যাণৰ যোগান ধৰে আৰু উভয় জগতৰ বিষয়বোৰক প্ৰশস্ত কৰি দিয়ে। আনহাতে নিষ্ঠুৰতা হৈছে ইয়াৰ বিপৰীত।
- উত্তম চৰিত্ৰ আৰু শান্ত সৃষ্ট স্বভাৱৰ পৰা নম্ৰতা প্ৰকাশ পায়। আনহাতে ক্ৰোধ আৰু কঠোৰ স্বভাৱৰ পৰা নিষ্ঠুৰতাৰ জন্ম হয়। সেয়ে নবী চাল্লাল্লাহু আলাইহি অছাল্লামে নম্ৰতা আৰু শান্ত আচৰণৰ প্ৰশংসা কৰিছে।
- ছুফিয়ান ছাওৰী ৰাহিমাহুল্লাহে তেওঁৰ সংগীসকলক কৈছিলঃ তোমালোকে জানানে নম্ৰতা কাক কয়? নম্ৰতা হৈছে যি ঠাইত যিটোৰ দৰকাৰ সেই ঠাইত সেইটো কৰা। যেনে- কঠিনতা অৱলম্বনৰ ঠাইত কঠিনতা, কোমলতা অৱলম্বনৰ ঠাইত কোমলতা অৱলম্বন কৰা, তৰোৱালৰ ঠাইত তৰোৱাল আৰু চাবুকৰ ঠাইত চাবুক ব্যৱহাৰ কৰা।
শ্ৰেণীবিন্যাসসমূহ
অধিক
- হাদীছ: যেতিয়া কোনো মানুহে তাৰ ভাতৃক ভাল পায়, তেতিয়া তেওঁ তাক জনাই দিয়া উচিত যে, তেওঁ তাক ভাল পায়।
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: আল্লাহে সেই ব্যক্তিৰ প্ৰতি ৰহমত বর্ষণ কৰক, যিয়ে নম্ৰতাৰ সৈতে ক্রয়-বিক্রয় কৰে আৰু ঋণ ঘূৰাই লোৱাৰ ক্ষেত্ৰত অৱকাশ দিয়ে।
- হাদীছ: (প্রাচীনকালত) এজন ব্যক্তিয়ে মানুহক ঋণ প্ৰদান কৰিছিল আৰু তাৰ কৰ্মচাৰীক আদেশ দিছিলি যে, ‘যেতিয়া তুমি ঋণ পৰিশোধ কৰিবলৈ অসমর্থ কোনো ঋণগ্রহীতা ব্যক্তিৰ ওচৰলৈ যাবা, তেতিয়া তাক ক্ষমা কৰি দিবা। হয়তো (ইয়াৰ প্ৰতিদানত) আল্লাহে আমাক ক্ষমা কৰি দিব। এতেকে তেওঁ যেতিয়া মৃত্যুবৰণ কৰি আল্লাহক সাক্ষাৎ কৰিলে, আল্লাহে তেওঁক ক্ষমা কৰি দিলে।
- হাদীছ: মহান আল্লাহে প্রতিটো বস্তুৰ প্ৰতি সদয় আচৰণ (ইহছান) ফৰজ কৰিছে। গতিকে তোমালোকে যেতিয়া হত্যা কৰিবা, তেতিয়া উত্তমৰূপে হত্যা কৰিবা আৰু যেতিয়া (জন্তু) জবেহ কৰিবা, তেতিয়া উত্তম পন্থাত জবেহ কৰিবা। তোমালোকৰ প্ৰত্যেকে যেন (জবেহ কৰাৰ সময়ত) ছুৰী চোকা কৰি লয় আৰু জবেহকৃত জন্তুক যাতে শীতল হ’বলৈ এৰি দিয়ে।
- হাদীছ: এজন ব্যক্তিয়ে নবী চাল্লাল্লাহু আলাইহি অছাল্লামক ক’লে, মোক উপদেশ দিয়ক। তেখেতে ক’লে, তুমি খং নকৰিবা। ব্যক্তিজনে কেইবাবাৰো একেই প্রশ্ন কৰিলে। তেখেতেও প্রত্যেকবাৰেই এই কথাকেই ক’লে যে, তুমি খং নকৰিবা।
- হাদীছ: ন্যায়পৰায়ণসকল মহান আল্লাহৰ ওচৰত নূৰৰ মিম্বাৰত অৱস্থান কৰিব, যিসকলে নিজৰ পৰিয়ালবৰ্গ আৰু অধীনস্থসকলৰ মাজত ইনচাফ আৰু সততাৰ সৈতে শাসনকাৰ্য পৰিচালনা কৰে।