Hadith: “ជនណាដែលត្រូវបានគេរារាំងពីភាពទន់ភ្លន់ ប្រាកដជាត្រូវបានគេរារាំងពីប្រការល្អ”។

عَنْ جَرِيرٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ يُحْرَمِ الرِّفْقَ يُحْرَمِ الْخَيْرَ».
[صحيح] - [رواه مسلم] - [صحيح مسلم: 2592]

អំពី ជើរៀរ رضي الله عنه អំពីណាពី ﷺ លោកបានមានប្រសាសន៍ថា៖
“ជនណាដែលត្រូវបានគេរារាំងពីភាពទន់ភ្លន់ ប្រាកដជាត្រូវបានគេរារាំងពីប្រការល្អ”។
[صحيح] - [رواه مسلم] - [صحيح مسلم - 2592]

Explanation

ណាពី ﷺ លោកបានប្រាប់ថា ជាការពិតណាស់ ជនណាដែលគ្មានភាពទន់ភ្លន់ ហើយមិនត្រូវបានណែនាំទាំងនៅក្នុងកិច្ចការសាសនា និងលោកិយ ក៏ដូចជាសកម្មភាពដែលគេប្រព្រឹត្តចំពោះខ្លួនឯង និងអ្នកដទៃ ពិតណាស់ ជននោះប្រាកដជាត្រូវបានគេដកហូតពីប្រការល្អទាំងស្រុង។

Benefits from the Hadith

1. បញ្ជាក់ពីឧត្តមភាពនៃភាពទន់ភ្លន់ និងជំរុញឱ្យប្រកាន់ខ្ជាប់នូវភាពទន់ភ្លន់ ហើយស្តីបន្ទោសចំពោះភាពឃោរឃៅ។
2. ភាពទន់ភ្លន់នាំឱ្យមាននូវសេចក្តីល្អនៅក្នុងលោកទាំងពីរ(លោកិយនិងបរលោក) និងវិសាលភាពរបស់វា។ ចំណែកឯភាពឃោរឃៅវិញ គឺផ្ទុយពីនេះ។
3. ភាពទន់ភ្លន់កើតចេញពីអត្តចរិតល្អ និងសុខុមាលភាព។ ចំណែកភាពឃោរឃៅកើតចេញពីកំហឹង និងភាពគ្រោតគ្រាត។ ដូចនេះហើយទើបណាពី ﷺ លោកកោតសរសើរចំពោះភាពទន់ភ្លន់។
4. សុហ្វយ៉ាន អាស្សាវរី រ៉ហ៊ីម៉ាហ៊ុលឡោះ បាននិយាយទៅកាន់មិត្តរបស់គាត់ថា៖ តើពួកអ្នកដឹងទេថា អ្វីទៅជាភាពទន់ភ្លន់? នោះគឺការដាក់កិច្ចការនីមួយៗឲ្យចំកន្លែងរបស់វា ដាក់ភាពតឹងរឹងនៅចំកន្លែងរបស់វា ដាក់ភាពទន់ភ្លន់នៅចំកន្លែងរបស់វា ដាក់ដាវនៅកន្លែងរបស់វា និងដាក់រំពាត់នៅកន្លែងរបស់វា។