Hadith: កាលណាចូលដល់ដប់យប់(ចុងក្រោយនៃខែរ៉ម៉ាហ្ទន) រ៉ស៊ូលុលឡោះ ﷺ លោកនៅទល់ភ្លឺ ហើយលោកដាស់គ្រួសាររបស់លោក ព្រមទាំងខិតខំប្រឹងប្រែង(ក្នុងការគោរពសក្ការៈ) និងរឹតបន្តឹងចង្កេះខោ។

عَنْ عَائِشَةَ أُمِّ المُؤْمِنينَ رَضِيَ اللهُ عَنْهَا قَالَتْ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا دَخَلَ الْعَشْرُ أَحْيَا اللَّيْلَ، وَأَيْقَظَ أَهْلَهُ، وَجَدَّ وَشَدَّ الْمِئْزَرَ.
[صحيح] - [متفق عليه] - [صحيح مسلم: 1174]

អំពី អាអ៊ីស្ហះ អ៊ុមមុលមុមីនីន رضي الله عنها បាននិយាយថា៖
កាលណាចូលដល់ដប់យប់(ចុងក្រោយនៃខែរ៉ម៉ាហ្ទន) រ៉ស៊ូលុលឡោះ ﷺ លោកនៅទល់ភ្លឺ ហើយលោកដាស់គ្រួសាររបស់លោក ព្រមទាំងខិតខំប្រឹងប្រែង(ក្នុងការគោរពសក្ការៈ) និងរឹតបន្តឹងចង្កេះខោ។
[صحيح] - [متفق عليه] - [صحيح مسلم - 1174]

Explanation

ណាពី ﷺ កាលណាចូលដល់ដប់យប់ចុងក្រោយនៃខែរ៉ម៉ាហ្ទន គឺលោកនៅទល់ភ្លឺ(មិនគេងឡើយ)ដោយធ្វើការគោរពសក្ការៈផ្សេងៗ ហើយលោកដាស់ក្រុមគ្រួសាររបស់លោកឱ្យក្រោកសឡាត និងខិតខំប្រឹងប្រែងក្នុងការគោរពសក្ការៈច្រើនជាងធម្មតា ព្រមទាំងដកខ្លួនមកគោរពសក្ការៈចំពោះអល់ឡោះ និងឃ្លាតឆ្ងាយពីភរិយាទាំងឡាយរបស់លោក។

Benefits from the Hadith

1. លើកទឹកចិត្តឱ្យឆ្លៀតឱកាសទាញយកប្រយោជន៍ពីពេលវេលាដែលមានភាពល្អប្រសើរដោយការសាងទង្វើកុសល។
2. អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះបង្ហាញថា ស៊ូណិតបង្កើននូវការគោរពសក្ការៈក្នុងដប់ថ្ងៃចុងក្រោយនៃខែរ៉ម៉ាហ្ទន ហើយស៊ូណិតបំពេញពេលយប់របស់វាដោយការគោរពសក្ការៈ។
3. គប្បីលើខ្ញុំបម្រើរបស់អល់ឡោះត្រូវយកចិត្តទុកដាក់ចំពោះក្រុមគ្រួសាររបស់ខ្លួនដោយបង្គាប់ពួកគេឱ្យគោរពសក្ការៈ និងអត់ធ្មត់ជាមួយពួកគេ។
4. ការធ្វើអំពើល្អត្រូវការភាពម៉ឺងម៉ាត់ អត់ធ្មត់ និងការស៊ូទ្រាំ។
5. អ៊ីម៉ាំ អាន់ណាវ៉ាវី បាននិយាយថា៖ សាសនវិទូឥស្លាមមានការខ្វែងយោបល់គ្នាចំពោះអត្ថន័យនៃពាក្យ៖ “រឹតបន្តឹងចង្កេះខោ”។ អ្នកខ្លះយល់ថា ជាការខិតខំប្រឹងប្រែងនៅក្នុងការគោរពសក្ការៈច្រើនជាងពេលធម្មតារបស់ណាពី ﷺ ។ ដែលនេះមានន័យថា ឧស្សាហ៍ព្យាយាមក្នុងការគោរពសក្ការៈ។ ឧទាហរណ៍គេនិយាយថា៖ ខ្ញុំរឹតបន្តឹងចង្កេះខោរបស់ខ្ញុំសម្រាប់កិច្ចការនេះ មានន័យថា ខ្ញុំឧស្សាហ៍ព្យាយាម និងផ្តោតលើវា។ អ្នកខ្លះទៀតយល់ថា៖ ជាន័យធៀបសម្រាប់ការដែលឃ្លាតឆ្ងាយពីភរិយាដើម្បីផ្តោតលើការគោរពសក្ការៈ។