Hadith: “បុគ្គលណាក្រោកសឡាត(ក៏ដូចការគោរពសក្ការៈផ្សេងៗ)ក្នុងយប់ឡៃឡាទុលក៏ទើរ ដោយមានជំនឿ និង រំពឹងផលបុណ្យអំពីអល់ឡោះនោះ គេនឹងអភ័យទោសឲ្យគាត់នូវបាបកម្មទាំងឡាយដែលគាត់បានសាងកន្លងមក”។

عن أبي هريرة رضي الله عنه قال: قال رسول الله صلى الله عليه وسلم:
«مَنْ يَقُمْ لَيْلَةَ الْقَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ»
[صحيح] - [متفق عليه] - [صحيح البخاري: 35]

មានន័យថា៖ អំពី អាពូហ៊ូរ៉យរ៉ោះ ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“បុគ្គលណាក្រោកសឡាត(ក៏ដូចការគោរពសក្ការៈផ្សេងៗ)ក្នុងយប់ឡៃឡាទុលក៏ទើរ ដោយមានជំនឿ និង រំពឹងផលបុណ្យអំពីអល់ឡោះនោះ គេនឹងអភ័យទោសឲ្យគាត់នូវបាបកម្មទាំងឡាយដែលគាត់បានសាងកន្លងមក”។
[صحيح] - [متفق عليه] - [صحيح البخاري - 35]

Explanation

ណាពី សអវ លោកបានប្រាប់យើងពីឧត្តមភាពនៃការគោរពសក្ការៈចំពោះអល់ឡោះក្នុងយប់ឡៃឡាទុលក៏ទើរដែលស្ថិតក្នុងអំឡុងដប់យប់ចុងក្រោយនៃខែរ៉ម៉ាហ្ទន។ ពិតណាស់ ជនណាដែលប្រឹងប្រែងគោរពសក្ការៈចំពោះអល់ឡោះនៅក្នុងយប់នោះដោយការប្រតិបត្តិសឡាត ការបួងសួង ការសូត្រគម្ពីរគួរអាន ការហ្ស៊ីកៀរ រលឹកចំពោះអល់ឡោះដោយមានជំនឿចំពោះវា និងអ្វីដែលមានបញ្ជាក់ពីឧត្តមភាពរបស់វា ព្រមជាមួយការរំពឹងផលបុណ្យពីអល់ឡោះជាម្ចាស់ដោយពុំមែនចង់ឲ្យគេដឹងឮ(កោតសរសើរ)ទេនោះ គេនឹងឲ្យអភ័យទោសឲ្យជននោះចំពោះបាបកម្មទាំងឡាយដែលរូបគេបានសាងកន្លងមក។

Benefits from the Hadith

1. ឧត្តមភាពនៃយប់ឡៃឡាទុលក៏ទើរ និងការជំរុញឲ្យខិត្តខំគោរពសក្ការៈចំពោះអល់ឡោះក្នុងយប់នោះ។
2. ទង្វើកុសលទាំងឡាយ គេមិនទទួលយកឡើយ លើកលែងតែមានចិត្តជ្រះថ្លា និងជឿជាក់នៅក្នុងការនៀតរបស់គេ។
3.  ក្តីសប្បុរស និងក្តីមេត្តាករុណារបស់អល់ឡោះ។ ជាការពិតណាស់ ជនណាដែលបានក្រោកសឡាត ក៏ដូចការគោរពសក្ការៈផ្សេងៗក្នុងយប់ឡៃឡាទុលក៏ទើរ ដោយមានជំនឿ និង រំពឹងផលបុណ្យអំពីអល់ឡោះនោះ គេនឹងអភ័យទោសឲ្យគាត់នូវបាបកម្មទាំងឡាយដែលគាត់បានសាងកន្លងមក។