Hadiis: Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Labbayka maanego, yaa: «Labbayka allaahumma labbayka, labbayka laa sarɩɩka laka Labayka, innal hamda wanne'mata laka wal mulka, laa sariika laka

عَنْ عَبْدِ اللهِ بْنِ عُمَرَ رَضِيَ اللهُ عَنْهُمَا:
أَنَّ تَلْبِيَةَ رَسُولِ اللهِ صَلَّى اللهُ عَلَيْهِ وَسَلَّمَ: «لَبَّيْكَ اللهُمَّ، لَبَّيْكَ، لَبَّيْكَ لَا شَرِيكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ لَا شَرِيكَ لَكَ» قَالَ: وَكَانَ عَبْدُ اللهِ بْنُ عُمَرَ رَضِيَ اللهُ عَنْهُمَا يَزِيدُ فِيهَا: لَبَّيْكَ لَبَّيْكَ، وَسَعْدَيْكَ، وَالْخَيْرُ بِيَدَيْكَ، لَبَّيْكَ وَالرَّغْبَاءُ إِلَيْكَ وَالْعَمَلُ.
[صحيح] - [متفق عليه] - [صحيح مسلم: 1184]

Yii a 'Abd Allaah ɭbn 'Ʋmar nengẽ (Wẽnd yard be b yiibã yĩnga):
Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Labbayka maanego, yaa: «Labbayka allaahumma labbayka, labbayka laa sarɩɩka laka Labayka, innal hamda wanne'mata laka wal mulka, laa sariika laka» a yeelame la a 'Abdʋllaah ɭbn 'Ʋmar ra yɩɩme (Wẽnd yard be b yiibã yĩnga) n paasd yãwã pʋgẽ: Labbayka, labbayka, wa saʿadayka wa Al-ẖayru biyadayka labbayka wa ar-ragbaa'ʋ iIlayka wa Alʿamamalʋ.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1184]

bilgrã

Nabiyaamã (Wẽnd pʋʋsg la A tɩlgr be a yĩnga) labbayka maaneg ra yɩɩme t'a sã n rat n na n kẽ Hagiimdã bɩ Ʋmrã tʋʋmẽ, a yetame: (Labbayka allaahumma labbayka) Yaa sakr ne Wẽnd sẽn tab Foom, d sẽn sak Fo sẽn bool tõnd n tʋg bũmb ningã, sẽn yaa pʋ-peelem maanego la Wẽnd yembgo la hagiimdu la zẽng sẽn ka rẽ (labbayka laa sarɩɩka laka Labayka) rẽnd d saka Foom F Yembr Tãa, Foom F Yembr n sõmb ne tũudu, lagem-n-taar ka be ne Foom, F Wẽndlemẽ wã la F Sobendlemẽ wã, la F Yʋyẽ wã la F sɩf-rãmbẽ wã (innal hamda) ad Wẽnd pẽgr la bark pʋʋsgo la saeesgo (wanne'mata) la neema yii Fo nengẽ, Foom n kõt-a (laka) Yaa Foom F Yembr Tãa la b maan wãndɩ n kõtẽ, sẽn wa n yaa halhaal ning fãa (wal mulk) naam me yaa woto, yaa Foom n so (laa sariika laka) lagem-n-taar ka be ne Foom, bãmbã fãa gillã yaa Foom F Yembr n so. Yii a ɭbn 'Ʋmar nengẽ (Wẽnd yard be b yiibã yĩnga) a ra yɩɩme n paasdẽ: (Labbayka, labbayka, wa saʿadayka) m paam zu-noog, zu-noog tεkẽ, zu-noog sẽn pʋg taaba (wa Al-ẖayru biyadayka) sõma gill fãa bee Foom Wẽnd nengẽ, la sẽn yi Fo kũunã pʋgẽ (labbayka wa ar-ragbaa'ʋ Ilayka) kosgo la bõosgo yamleoodo, ka tara rẽndame tɩ yaa Naab ning sõmblem sẽn be a Soab nugẽ Foom a Wẽnde (wa Alʿamamalʋ) Tʋʋmdã gill me yaa Foom F yembr Tãa, Foom n sõmb ne-ba.

Sẽn be Hɑdiisã yõod-rãmbẽ

1. Yaa sãri wã pʋgẽ b sẽn maan tɩ b yeel Labbayka hagiimdã la Ʋmra wã wakato, la a sẽn kengd-a hagiimdẽ wã, bala yaa yẽnda la hagiimdã tagmas-rãmba wala takbɩɩrã sẽn yaa Pʋʋsgã tagmasã.
2. A ɭbn Al-Munir yeelame (Wẽnd na yols-a): la sẽn maan labbayka yaa nekr tɩ b tẽeg Wẽnd sẽn waoog A yembsã ne A sẽn tall-b n wa A Roogẽ wã, tɩ bãmb sẽn wa Roogẽ wã tũu ne Wẽnd boolle, (A Naam yɩlgame n zẽke).
3. Sõma sẽn yɩɩd yaa b tablg Nabiyaamã (Wẽnd pʋʋsg la A tɩlgr be a yĩnga) sẽn da maand labbayk ningã, la yell ka be tɩ b paas Nabiyaamã (Wẽnd pʋʋsg la A tɩlgr be a yĩnga) sẽn sak n reeg paasgã. A ɭbn Hagar yeelame: la woto la nemsã sẽn yɩɩd sõmblem, rẽnd bũmb ning sẽn wa tɩ yaa Nabiyaamã n yeelã, b welgda yẽ toore, rẽnd b sã n wa wa ne bũmb ning sẽn yaa Ṣahaabg n yeele, maa yaa a mengã n maan-a tɩ yaa sõma, bɩ a yeel-a n welge, la a ra wa rɩk-a n gẽdg ne Nabiyaamã rẽnd ye, la yãwã wõnda doaaga maaneg sahdẽ wã, bala b yeel beenẽ, woto poorẽ bɩ a tũus bõosgo la Wẽnd pẽgr a sẽn tʋlle, rat n yeel t'a sẽn maan Nabiyaamã rẽnd n sε wã poorẽ bɩ a maan sẽn kell masa.
4. Yaa b sẽn bʋ nonglem tɩ b zẽk b koeesã ne labbayka maanego rapã wεεngẽ, la sã n yaa paga a sikda a koεεgã, sẽn yεεsd fɩtna (yell) na n wa yɩ wã yĩnga.