Hadith: “ចូរពួកអ្នកបង្កភាពងាយស្រួល ហើយកុំបង្កការលំបាក។ ចូរពួកអ្នកផ្ដល់ដំណឹងរីករាយ ហើយកុំធ្វើឲ្យពួកគេគេចចេញ(អំពីពួកអ្នក)”។

عن أنس بن مالك رضي الله عنه عن النبي صلى الله عليه وسلم قال:
«يَسِّرُوا وَلَا تُعَسِّرُوا، وَبَشِّرُوا وَلَا تُنَفِّرُوا».
[صحيح] - [متفق عليه] - [صحيح البخاري: 69]

អំពី អាណាស ពិន ម៉ាលិក رضي الله عنه អំពីណាពី ﷺ លោកបានមានប្រសាសន៍ថា៖
“ចូរពួកអ្នកបង្កភាពងាយស្រួល ហើយកុំបង្កការលំបាក។ ចូរពួកអ្នកផ្ដល់ដំណឹងរីករាយ ហើយកុំធ្វើឲ្យពួកគេគេចចេញ(អំពីពួកអ្នក)”។
[صحيح] - [متفق عليه] - [صحيح البخاري - 69]

Explanation

ណាពី ﷺ លោកបង្គាប់ប្រើឲ្យមានការបន្ធូរបន្ថយ និងធ្វើឲ្យមានភាពងាយស្រួលដល់មនុស្ស ហើយមិនត្រូវបង្កការលំបាកដល់ពួកគេឡើយចំពោះគ្រប់កិច្ចការទាំងអស់ ទាំងកិច្ចការសាសនា និងកិច្ចការលោកិយ។ ការធ្វើដូចនេះ គឺត្រូវស្ថិតនៅក្នុងកម្រិតព្រំដែនដែលអល់ឡោះបានអនុញ្ញាត និងបានបញ្ញត្តិច្បាប់។
ហើយលោកជំរុញឲ្យផ្តល់ដំណឹងរីករាយដល់ពួកគេ និងមិនត្រូវធ្វើឲ្យពួកគេគេចចេញពីរូបគេឡើយ។

Benefits from the Hadith

1. ចាំបាច់លើអ្នកមានជំនឿត្រូវធ្វើឲ្យមនុស្សស្រឡាញ់អល់ឡោះ និងជំរុញពួកគេឲ្យចូលចិត្តធ្វើអំពើល្អ។
2. គប្បីលើអ្នកដែលអំពាវនាវ(ហ្ទាក់វ៉ះ)ទៅកាន់អល់ឡោះត្រូវពិនិត្យមើលប្រកបដោយគតិបណ្ឌិតចំពោះរបៀបផ្សព្វផ្សាយ និងអំពាវនាវមនុស្សទៅកាន់សាសនាឥស្លាម។
3. ការផ្តល់ដំណឹងល្អនឹងបង្កើតអារម្មណ៍រីករាយ ការទទួលស្វាគមន៍ និងការលួងលោមចំពោះអ្នកអំពាវនាវ និងចំពោះអ្វីដែលគេបានផ្តល់ដល់មនុស្សជាតិ។
4. ការបង្កការលំបាក គឺធ្វើឲ្យមនុស្សរត់គេច បែរចេញ និងមានមន្ទិលសង្ស័យចំពោះសម្តីអ្នកអំពាវនាវនោះ។
5. ភាពធំធេងនៃក្តីមេត្តាករុណារបស់អល់ឡោះជាម្ចាស់ចំពោះខ្ញុំបម្រើទាំងឡាយរបស់ទ្រង់ ហើយពិតណាស់ ទ្រង់ពេញចិត្តឲ្យពួកគេនូវសាសនាមួយដែលមានការអនុគ្រោះ និងច្បាប់បញ្ញត្តិមួយដែលមានលក្ខណៈងាយស្រួល។
6. ការផ្តល់ភាពងាយស្រួលដែលគេបង្គាប់ប្រើ គឺស្ថិតនៅក្នុងអ្វីដែលច្បាប់ឥស្លាមបាននាំមក។