Hadith: Mpepusyeje ikachindu, nkasimkalalisyaga,mwasangalasyeje wandu mkasimwatisyaga

عن أنس بن مالك رضي الله عنه عن النبي صلى الله عليه وسلم قال:
«يَسِّرُوا وَلَا تُعَسِّرُوا، وَبَشِّرُوا وَلَا تُنَفِّرُوا».
[صحيح] - [متفق عليه] - [صحيح البخاري: 69]

Ngani jikupitila kwa Anas mwanache jwa Malik -Mlungu asangalale nawo- ngani jajikutyochela kwa Mtume-chanasa ni utendele wa Mlungu iwe pa jwelejo -kuti Mtumejo wawechete kuti:
"Mpepusyeje ikachindu, nkasimkalalisyaga,mwasangalasyeje wandu mkasimwatisyaga".
[صحيح] - [متفق عليه] - [صحيح البخاري - 69]

Explanation

Mtume -chanasa ni utendele wa Mlungu iwe pa jwelejo-akulamula yakwapepuchisya wandu nikulekasya yakwakalalichisya mu ichindu yosope yakwayana chipopelo nambo soni yapa chilambo, mwakujigalila malile gawakundisye Mlungu nikulamula.
Nakulimbikasya yakwapepuchisya pakwasangalasya ni ikandu yambone,nikulekasya kwatisya wandu.

Benefits from the Hadith

1. Yakusosekwa kwa mundu jwakulupilila kuti watendekasyeje wandu kuwa wakumnonyela Mlungu nikwalimbikasyaga mu yambone.
2. Iwele yakusosekwa kwa mundu jwakwawilanjila wandu ku indu ya Mlungu, kuti acheteleleje mwa lunda yampaka ajile kawichisye utenga wa Chisilamu kwa wandu.
3. Kwasangalasya wandu ikusawichisya kusengwa,kumtendekasya mundu jwakwawilanjila wandu ku ya Mlungu kola machili nikutulala mtima pa yampaka achingangane nayo.
4. Kukalalisya kusatendekasya wandu kutila nikulosya migongo jawo ni kaichila mu yakuwecheta ya mundu jwakuwilanjila ku ya Mlungu.
5. Chanasa cha Mlungu pa chikapolo wakwe chiwele chakutenjelela, ligongo Mlungujo jwasangalele pakwapa wanduwo chipopelo chanti malamusi gakwe gawele gakupepuka nikupepusidwa.
6. Kupepuka kwakulamulidwe ni ako kuwiche mu malamusi ga Mlungu.