ഹദീസ്: നിങ്ങൾ എളുപ്പമാക്കുക; നിങ്ങൾ പ്രയാസം സൃഷ്ടിക്കരുത്. നിങ്ങൾ സന്തോഷവാർത്ത അറിയിക്കുക; നിങ്ങൾ (ജനങ്ങളെ) അകറ്റിക്കളയരുത്.
عن أنس بن مالك رضي الله عنه مرفوعاً: «يَسِّرُوا وَلاَ تُعَسِّرُوا، وَبَشِّرُوا وَلاَ تُنَفِّرُوا».
[صحيح] - [متفق عليه]
المزيــد ...
അനസ് ബ്നു മാലിക് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "നിങ്ങൾ എളുപ്പമാക്കുക; നിങ്ങൾ പ്രയാസം സൃഷ്ടിക്കരുത്. നിങ്ങൾ സന്തോഷവാർത്ത അറിയിക്കുക; നിങ്ങൾ (ജനങ്ങളെ) അകറ്റിക്കളയരുത്."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്
ജനങ്ങൾക്ക് കാര്യങ്ങൾ എളുപ്പവും ലളിതവുമാക്കാൻ നബി -ﷺ- ഇഷ്ടപ്പെട്ടിരുന്നു. രണ്ട് കാര്യങ്ങളിൽ ഏതെങ്കിലുമൊന്ന് തിരഞ്ഞെടുക്കേണ്ടി വന്നാൽ അവിടുന്ന് അതിൽ ഏറ്റവും എളുപ്പമുള്ളതായിരുന്നു എടുത്തിരുന്നത്; അത് നിഷിദ്ധമാകാത്തിടത്തോളം. "നിങ്ങൾ എളുപ്പമാക്കുക; നിങ്ങൾ പ്രയാസം സൃഷ്ടിക്കരുത്." എല്ലാ സന്ദർഭത്തിലും ഇത് ബാധകമാണ്. "നിങ്ങൾ സന്തോഷവാർത്ത അറിയിക്കുക; (ജനങ്ങളെ) അകറ്റിക്കളയരുത്." നന്മ അറിയിച്ചു നൽകുകയാണ് ചെയ്യേണ്ടത്. ജനങ്ങളെ അകറ്റുക എന്നതിന്റെ നേർവിപരീതമാണത്. തിന്മകളും ചീത്തകാര്യങ്ങളും അറിയിച്ചു കൊടുക്കുക എന്നത് ജനങ്ങളെ അകറ്റുന്നതിൽ പെട്ടതാണ്.
ഹദീഥിൻ്റെ പാഠങ്ങളിൽ നിന്ന്
- * ജനങ്ങൾക്ക് അല്ലാഹുവിനോട് സ്നേഹമുണ്ടാക്കുകയും, അവർക്ക് നന്മകളിൽ താൽപര്യം ജനിപ്പിക്കുകയും ചെയ്യലാണ് ഓരോ മുഅ്മിനിന്റെയും മേൽ നിർബന്ധമായിട്ടുള്ളത്.
- * ജനങ്ങളെ ഇസ്ലാമിലേക്ക് ക്ഷണിക്കേണ്ടതെങ്ങിനെയെന്ന് യുക്തിപരമായി ചിന്തിക്കുക എന്നത് പ്രബോധകർ നിർവ്വഹിക്കേണ്ട കാര്യങ്ങളിൽ പെട്ടതാണ്.
- * സന്തോഷവാർത്ത അറിയിക്കുന്നത് ജനങ്ങളിൽ ആഹ്ളാദവും കാര്യങ്ങൾ സ്വീകരിക്കാനുള്ള താൽപര്യവും പ്രബോധകനോടും അയാൾ പറയുന്ന കാര്യത്തോടും മാനസികമായ അടുപ്പവും സൃഷ്ടിക്കും.
- * പ്രയാസം സൃഷ്ടിക്കുന്നത് ജനങ്ങൾ അകലാനും മാറിപ്പോകാനും, പ്രബോധകന്റെ സംസാരത്തെ അവർ സംശയിക്കാനും കാരണമായിത്തീരും.
- * അല്ലാഹുവിന്റെ കാരുണ്യത്തിന്റെ വിശാലത നോക്കൂ; ലാളിത്യവും എളുപ്പവും നിറഞ്ഞ മതനിയമങ്ങളാണ് അല്ലാഹു മുസ്ലിംകൾക്ക് തൃപ്തിപ്പെട്ടു നൽകിയിരിക്കുന്നത്.
വിഭാഗങ്ങൾ
കൂടുതൽ
- ഹദീസ്: ഒരാൾ തന്റെ (മുസ്ലിം) സഹോദരനെ ഇഷ്ടപ്പെടുന്നുണ്ടെങ്കിൽ അവൻ അയാളെ ഇഷ്ടപ്പെടുന്നുണ്ടെന്ന് അയാളെ അറിയിക്കട്ടെ.
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: അല്ലാഹു ഒരാൾക്ക് മേൽ കരുണ ചൊരിയട്ടെ; അവൻ (കച്ചവടത്തിൽ) വിൽക്കുമ്പോഴും സൗമ്യനാണ്. വാങ്ങുമ്പോഴും, കടം തിരിച്ചു ചോദിക്കുമ്പോഴും (സൗമ്യനാണ്).
- ഹദീസ്: "ജനങ്ങൾക്ക് കടം നൽകിയിരുന്ന ഒരാളുണ്ടായിരുന്നു. അയാൾ തൻ്റെ ജോലിക്കാരനോട് പറയുമായിരുന്നു: (കടക്കാരിൽ) പ്രയാസം അനുഭവിക്കുന്ന ആരെയെങ്കിലും കണ്ടാൽ അയാൾക്ക് വിട്ടുകൊടുക്കുക. അല്ലാഹു നമുക്കും പൊറുത്തു തന്നേക്കാം. അങ്ങനെ അവൻ അല്ലാഹുവിനെ കണ്ടുമുട്ടി; അല്ലാഹു അവന് പൊറുത്തു നൽകുകയും ചെയ്തു.
- ഹദീസ്: ഒരാൾ നബി -ﷺ- യോട് പറഞ്ഞു: "എനിക്ക് വസ്വിയ്യത് നൽകിയാലും." നബി -ﷺ- പറഞ്ഞു: "നീ കോപിക്കരുത്." അയാൾ വീണ്ടും പല തവണ ആവർത്തിച്ചു. (അപ്പോഴെല്ലാം) നബി -ﷺ- പറഞ്ഞു: "നീ കോപിക്കരുത്."
- ഹദീസ്: തങ്ങളുടെ വിധികളിലും കുടുംബത്തിലും ഏറ്റെടുത്ത കാര്യങ്ങളിലും നീതി പാലിച്ചവർ അല്ലാഹുവിങ്കൽ പ്രകാശം കൊണ്ടുള്ള ഇരിപ്പിടങ്ങൾക്ക് മുകളിലായിരിക്കും.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.