Хадис: Жеңил көрсөткүлө, оор кылбагыла, сүйүнчүлөгүлө, качырбагыла!

عن أنس بن مالك رضي الله عنه عن النبي صلى الله عليه وسلم قال:
«يَسِّرُوا وَلَا تُعَسِّرُوا، وَبَشِّرُوا وَلَا تُنَفِّرُوا».
[صحيح] - [متفق عليه] - [صحيح البخاري: 69]

Анас бин Малик (Аллах андан ыраазы болсун) риваят кылган хадисте пайгамбар (ага Аллахтын тынчтыгы жана мактоосу болсун) минтип айткан:
"Жеңил көрсөткүлө, оор кылбагыла, сүйүнчүлөгүлө, качырбагыла!"
[Сахих (ишенимдүү)] - [Муттафакун алайхи (хадистин ишенимдүүлүгүнө бир ооздон макулдашылган)] - [Сахих ал-Бухари - 69]

Түшүндүрмө

Пайгамбарыбыз (ага Аллахтын тынчтыгы жана мактоосу болсун) дин жана дүнүйө иштеринин баарында адамдарга жеңил, оңой кылууга, аларга оор келтирбөөгө буйруган. Бул Аллах Таала шарият кылган жана мубах (аткарылуусу ыктыярдуу) болгон иштердин чегине тиешелүү.
Ошондой эле жакшы иштерди айтып сүйүнчүлөөгө кызыктырып, мындай иштерден аларды качырбоого үндөгөн.

Хадистин пайдалары

1. Ыймандуу адамдын моюнундагы милдет адамдарга Аллахты сүйдүрүү жана аларды жакшылык иштерге кызыктыруу.
2. Аллахтын динине чакыруучу адамга Ислам чакырыгын адамдарга кандай жеткирүү даанышмандыгын кароосу зарыл.
3. Кубантуучу нерсени айтуу даават кылуучуга жана ал адамдарга сунуш кылып жаткан нерседе кубанычты, көңүл бурууну жана жан дүйнө тынчтыгын пайда кылат.
4. Ал эми оорлотуу даават кылуучунун сөзүндө күмөн саноону, жүз бурууну, кайра кайтып кетүүнү пайда кылат.
5. Аллах Тааланын пенделерине ырайымы кенен, ал аларга кечиримдүү динге жана жеңил шариятка ыраазы болду.
6. Жеңилдикке буйруу бул шариятта келген нерсе.