Hadith: ((كاروباران ب ساناهی بێخن و ب زه‌حمه‌ت نه‌ئێخن، مزگینییێ بده‌ن و خه‌لكی نه‌ڕه‌ڤینن))

عن أنس بن مالك رضي الله عنه عن النبي صلى الله عليه وسلم قال:
«يَسِّرُوا وَلَا تُعَسِّرُوا، وَبَشِّرُوا وَلَا تُنَفِّرُوا».
[صحيح] - [متفق عليه] - [صحيح البخاري: 69]

ئه‌نه‌سێ كوڕێ مالكی (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((كاروباران ب ساناهی بێخن و ب زه‌حمه‌ت نه‌ئێخن، مزگینییێ بده‌ن و خه‌لكی نه‌ڕه‌ڤینن)).
[صحيح] - [متفق عليه] - [صحيح البخاري - 69]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) فه‌رمانێ ب ساناهیكرن و سڤككرنێ دكه‌ت ل سه‌ر خه‌لكی و زه‌حمه‌ت نه‌كرنێ د هه‌می كاروبارێن گرێدایی دین و دونیایێ، ئه‌ڤه‌ ژی د سنوورێ وی تشتێ خودێ دروستكری و ڕێك پێدایی.
كا چاوا هاندانێ دكه‌ت ل سه‌ر مزگینیدانا خێر و باشییێ ب خه‌لكی و نه‌ڕه‌ڤاندنا وان ژ وێ خێر و باشییێ.

Benefits from the Hadith

1. ئه‌ركێ باوه‌رداری ئه‌ڤه‌یه‌ ئه‌و وه‌ ل خه‌لكی بكه‌ن حه‌ز ژ خودێ بكه‌ن و وان هان بده‌ن بۆ كرنا باشییێ.
2. پێدڤییه‌ ئه‌و كه‌سێ خه‌لكی بۆ ڕێكا خودێ گازی دكه‌ت ب حیكمه‌ت و كاربنه‌جهی به‌رێ خۆ بده‌تێ كا دێ چاوا خه‌لكی بۆ ئایینێ ئیسلامێ گازی كه‌ت.
3. مزگینیدان كه‌یفخۆشی و به‌ره‌ڤهاتن و ئارامییێ ل ده‌ڤ گازیكاری په‌یدا دكه‌ت و ل سه‌ر وی تشتێ نیشا خه‌لكی دده‌ت و پێشكێشی وان دكه‌ت.
4. بزه‌حمه‌تكرن ڕه‌ڤین و پشتدان و گومانبرنێ ژ ئاخڤتنا بانگخوازى ل ده‌ڤ خه‌لكی دروست دكه‌ت.
5. به‌رفره‌هییا دلۆڤانییا خودێ د گه‌ل عه‌بدێن وی و كو ئه‌وی ئایینه‌كێ سڤك و شه‌ریعه‌ته‌كێ ب ساناهی یێ بۆ وان دانای.
6. ئه‌و بساناهیكرنا فه‌رمان پێ هاتییه‌ كرن؛ ئه‌وه‌ یا د شه‌ریعه‌تیدا هاتی.