Hədis: Sizdən biri məscidə daxil olduqda: Allahummə-ftəh li əbvabə rahmətik [Allahım, Öz mərhəmət qapılarını mənim üçün aç!], məsciddən çıxdığı zaman isə: Allahummə inni əsəlukə min fədlik [Allahım, Sənin lütfündən di­ləyirəm] desin

عَنْ ‌أَبِي حُمَيْدٍ أَوْ عَنْ ‌أَبِي أُسَيْدٍ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا دَخَلَ أَحَدُكُمُ الْمَسْجِدَ فَلْيَقُلِ: اللَّهُمَّ افْتَحْ لِي أَبْوَابَ رَحْمَتِكَ، وَإِذَا خَرَجَ فَلْيَقُلِ: اللَّهُمَّ إِنِّي أَسْأَلُكَ مِنْ فَضْلِكَ».
[صحيح] - [رواه مسلم] - [صحيح مسلم: 713]

Əbu Humeyddən və ya Əbu Useyiddən (Allah ondan razı olsun) rəvayət edildiyinə görə Allah Rəsulu (Allahın salavatı və salamı onun üzərinə olsun) belə buyurmuşdur:
"Sizdən biri məscidə daxil olduqda: Allahummə-ftəh li əbvabə rahmətik [Allahım, Öz mərhəmət qapılarını mənim üçün aç!], məsciddən çıxdığı zaman isə: Allahummə inni əsəlukə min fədlik [Allahım, Sənin lütfündən di­ləyirəm] desin".
[Səhih] - [Muslim rəvayət etdi] - [Sahihu Muslim - 713]

Şərh (izah)

Peyğəmbər (Allahın salavatı və salamı onun üzərinə olsun) məscidə daxil olarkən ümmətinə: «Allahım, Öz mərhəmət qapılarını mənim üçün aç!» deməsini, Uca Allahdan onun üçün rəhmət səbəblərini asanlaşdırmasını, məsciddən çıxakən: «Allahım, Sənin lütfündən di­ləyirəm» deməsini, Uca Allahdan lütfünü və halal ruzidən olan ehsanını onun üçün artırmasını istəməyi öyrətmişdir.

Hədisin faydalarından

1. Məscidə daxil olarkən və oradan çıxarkən bu duanı oxumağın müstəhəb olması.
2. Məscidə daxil olarkən Uca Allahdan rəhmət, çıxarkən Uca Allahın lütfünü istəməsinin hikmətlərindən də biri budur ki, məscidə daxil olan kimsə, onu, Allaha və Cənnətə yaxınlaşdıracaq şeylərlə məşğul olacağı üçün rəhmət ibarəsi istifadə edilmişdir. Məsciddən çıxdığında isə Allahın bəxş edəcəyi ruzini eldə etmək üçün yer üzündə səy edəcəyinə görə lütf ibarəsi istifadə edilmişdir.
3. Bu zikirlər, məscidə daxil olmaq və məsciddən çıxmaq istənildiyində deyilir.