Sabuntawa: Idan (watan) Ramadan ya zo sai a buɗe ƙofofin aljanna, kuma a kukkule ƙofofin wuta, a ɗaɗɗaure shaiɗanu
عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ، قَالَ:
«إِذَا جَاءَ رَمَضَانُ فُتِّحَتْ أَبْوَابُ الْجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ».
[صحيح] - [متفق عليه] - [صحيح مسلم: 1079]
المزيــد ...
Daga Abu Huraira - Allah Ya yarda da shi -: Lallai cewa Manzon Allah - tsira da amincin Allah su tabbata agare shi - ya ce:
"Idan (watan) Ramadan ya zo sai a buɗe ƙofofin aljanna, kuma a kukkule ƙofofin wuta, a ɗaɗɗaure shaiɗanu".
[Ingantacce ne] - [Bukhari da Muslim suka Rawaito shi] - [صحيح مسلم - 1079]
Annabi - tsira da amincin Allah su tabbata agare shi - ya bada labarin cewa idan watan Ramadan ya shiga sai al'amura uku su faru: Na farko: Za'a buɗe ƙofofin aljanna ba za'a kulle wata ƙofa ba daga cikinsu. Na biyu: Za'a kulle ƙofofin wuta, kuma ba za'a buɗe wata ƙofa daga cikinsu ba. Na uku: Za'a ɗaure shaiɗanu da aljanu masu tsaurin kai da sarƙoƙi, ba zasu kai zuwa ga abinda suke tsira da shi a cikin wanin (watan) Ramadan ba. Dukkanin wannan dan girmamawa ne ga wannan watan, da kwaɗaitar da masu aiki akan yawaita ayyukan ɗa'a na sallah da sadaka da zikiri da karatun Alkur'ani da wanin haka; da kuma nisantar zunubai da saɓo.
Daga Cikin Fa idodin Hadisin
- Falalar watan Ramadan.
- Yi wa masu azimi albishir a cikinsa da cewa wannan watan mai albarka mausimi ne na ibada da alheri.
- A cikin ɗaure shaiɗanu a cikin Ramadan akwai nuni zuwa ɗauke uzurin mukallafi, kamar cewa shi ana ce masa ne: Haƙiƙa an ɗaure shaiɗanu daga gareka dan haka kada ka bada uzuri da su a cikin barin aikin ɗa'a ko a cikin aikata saɓo,
- AlKurɗubi ya ce: Idan an ce: Yaya muke ganin sharruka da saɓo masu yawa suna faruwa a cikin (watan) Ramadan ?da a ce an ɗaure shaiɗanu da hakan bai faru ba? To amsa (ita ce ace): Cewa su (sharruka) suna ƙaranta ne daga masu azimi azimin da aka kiyaye sharuɗɗansa kuma aka lura da ladubbansa, ko kuma waɗanda ake ɗaurewa wasu daga cikin shaiɗanu ne kawai sune masu tsaurin kai ba dukkansu ba kamar yadda ya gabata a cikin wasu daga ruwayoyi, ko kuma abin nufi ƙaranta sharrukansu a cikinsa, to wannan wani al'amari ne abin gani, domin cewa afkuwar hakan a cikinsa shi ne mafi ƙaranci daga waninsa, dan ba ya lazimta daga daure gabadayansu cewa sharri ko sabo ba zai faru ba; domin akwai sabubba ga hakan banda shaidanu kamar munanan rayuka da al'adu munana da kuma shaidanun mutane.
kashe kashe
Kari
- Sabuntawa: Duk wanda ya azumci Ramadan saboda imani da hisabi, za a gafarta masa zunubansa na baya.
- Sabuntawa: "Duk waanda yayi zalunci dani daya na kasa, za'a ciccibo masa tun daga Kasan Bakwai"
- Sabuntawa: Ya ku Matasa, kuma duk wanda yake da iko daga cikinku to yayi Aure; domin cewa shi ne mafi kariya ga idanunsa, kuma shi ne mafi ;kariya ga al'aurarsa, kuma duk wanda bai sami iko ba to yayi Azumi domin Azumi garkuwa ne a gare shi
- Sabuntawa: Allah Ya ce: Dukkan aikin ɗan Adam nasa ne, sai azimi, lallai shi nawa ne kuma nine zan yi sakayya da shi
- Sabuntawa: Bilal yana kiran dare, don haka ku ci ku sha har sai kun ji kiran da Ibn Umm Maktoum ya yi
- Sabuntawa: “Akwai wata kofa a Sama da ake kira: Rayan, wanda wadanda suke yin azumi za su shiga daga gare ta a Ranar Kiyama, kuma ba wanda zai shiga su sai su, ana cewa: Ina azumin yake? Don haka suka tashi tsaye, ba wanda zai shiga ciki sai su, in sun shiga kuma a rufe yake, ba wanda zai shige shi.
- Sabuntawa: Duk wanda ya yi Azumi daya Saboda Allah Allah zai sanya wani gwalalo tsakaninsa da Wuta kamar nisan Sama da Kasa