ჰადისი: როცა მოვა რამადანი, გაიღება სამოთხის კარიბჭეები, დაიხურება ჯოჯოხეთის კარიბჭეები და სატანები შებოჭილნი იქნებიან

عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ، قَالَ:
«إِذَا جَاءَ رَمَضَانُ فُتِّحَتْ أَبْوَابُ الْجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ».
[صحيح] - [متفق عليه] - [صحيح مسلم: 1079]

აბუ ჰურაირა (ალლაჰი იყოს მისით კმაყოფილი) გადმოსცემს, რომ შუამავალმა (ალლაჰის ლოცვა და მშვიდობა მას) თქვა:
«როცა მოვა რამადანი, გაიღება სამოთხის კარიბჭეები, დაიხურება ჯოჯოხეთის კარიბჭეები და სატანები შებოჭილნი იქნებიან».
[სანდო (საჰიჰ)] - [შეთანხმებული] - [საჰიჰ მუსლიმ - 1079]

განმარტება

მოციქულმა (ალლაჰის ლოცვა და მშვიდობა მას) გვაუწყა, რომ როცა დგება რამადანის თვე, ხდება სამი რამ: პირველი: იღება სამოთხის კარიბჭეები, და არც ერთი მათგანი არ დაიხურება. მეორე: იხურება ჯოჯოხეთის კარიბჭეები, და არც ერთი მათგანი არ გაიღება. მესამე: სატანები და ჯინთა ურჩი წარმომადგენლები ჯაჭვებით შებოჭილნი იქნებიან, ამიტომ ვერ შეძლებენ იმ ზიანის მოყენებას, რასაც რამადანის გარდა სხვა თვეებში ახერხებდნენ. და ეს ყველაფერი ამ თვის განდიდებაა და წახალისება მოქმედთათვის, რათა გაამრავლონ თაყვანისცემა, ლოცვა, ქველმოქმედება, ზიქრი, ყურანის კითხვა და სხვა კეთილი საქმეები, ასევე შეიკავონ თავი ცოდვებისა და ურჩობისგან.

ჰადისის სარგებლობიდან

1. რამადანის თვის სიკეთე.
2. მარხულთათვის კეთილი ამბავია, რომ ეს კურთხეული თვე თაყვანისცემისა და სიკეთის სეზონია.
3. შაიტნების შებოჭვა რამადანში ნიშნავს, რომ ადამიანს მოეხსნა საბაბი და გამართლება. თითქოს მას ეუბნებიან: „ეშმაკები შენგან განრიდებულნი არიან, ამიტომ ვეღარ მოიმიზეზებ მათ, რომ მორჩილებას არ ასრულებ, ან ცოდვას ჩადიხარ".
4. ალ-ყურტუბიმ თქვა: «თუ ვინმე იკითხავს: "რატომ ვხედავთ, რომ რამადანში ბოროტება და ცოდვები მაინც ხდება? თუ ეშმაკები დაბმულნი არიან, ეს აღარ უნდა ხდებოდეს?" პასუხი: ეშმაკების გავლენა მცირდება იმ მარხულთათვის, რომლებიც მარხვას სრულად იცავენ, იცავენ მის პირობებსა და ადაბს (ზნეობრივ ნორმებს). შებოჭილნი არიან მხოლოდ ზოგიერთი ეშმაკები, კერძოდ, ყველაზე თავგასულნი (მარადათ ალ-ჯინნი), მაგრამ არა ყველა, როგორც ეს ზოგიერთი გამოცემებიდან ჩანს. ეშმაკების დაბმის მიზანი ბოროტების შემცირებაა, და ეს აშკარად იგრძნობა, რადგან რამადანში ბოროტება უფრო ნაკლებად ვრცელდება, ვიდრე სხვა თვეებში. ეს არ ნიშნავს, რომ ცოდვები და ბოროტება სრულიად გაქრება, რადგან მათ სხვა მიზეზებიც აქვთ, როგორიცაა ბოროტი სულები, ცუდი ჩვევები და ეშმაკთაგანი ადამიანები».