නබි වදන: සැබැවින්ම අල්ලාහ්ගේ දූතයාණන් -සල්ලල්ලාහු අලය්හි වසල්ලම්- තුමා රමළාන් මාසයේ අවසන් දින දහයේ එතුමාව අල්ලාහ් මරණයට පත් කරන තෙක්ම ඉඃතිකාෆ් හෙවත් මස්ජිදයේ රැඳී සිට නැමදුම් කරන්නෙකු වූහ. එතුමාගෙන් පසුව එතුමාගේ බිරියන් ඉඃතිකාෆ් සිටියහ.

عن عائشة رضي الله عنها : «أن رسول الله صلى الله عليه وسلم كان يعتكف في الْعَشْرِ الْأَوَاخِرِ من رمضان، حتى توفاه الله عز وجل ، ثم اعتكف أزواجه بعده». وفي لفظ «كان رسول الله صلى الله عليه وسلم يَعتكِفُ في كلِّ رمضان، فإذا صلى الغَدَاةَ جاء مكانه الذي اعْتَكَفَ فيه».
[صحيح] - [الرواية الأولى متفق عليها. الرواية الثانية رواها البخاري]

ආඉෂා -රළියල්ලාහු අන්හා- තුමිය විසින් වාර්තා කරන ලදී. “සැබැවින්ම අල්ලාහ්ගේ දූතයාණන් -සල්ලල්ලාහු අලය්හි වසල්ලම්- තුමා රමළාන් මාසයේ අවසන් දින දහයේ එතුමාව අල්ලාහ් මරණයට පත් කරන තෙක්ම ඉඃතිකාෆ් හෙවත් මස්ජිදයේ රැඳී සිට නැමදුම් කරන්නෙකු වූහ. එතුමාගෙන් පසුව එතුමාගේ බිරියන් ඉඃතිකාෆ් සිටියහ. තවත් ප්රකාශයක, සෑම රමළාන් මාසයකම අල්ලාහ්ගේ දූතයාණන් -සල්ලල්ලාහු අලය්හි වසල්ලම්- ඉඃතිකාෆ් ඉටු කරන්නෙකු වූහ. ෆජ්ර් සලාතය ඉටු කළ වහාම එතුමා ඉඃතිකාෆ්හි රැඳී සිටින ස්ථානයට පැමිණියහ.
[පූර්ව සාධක සහිත හදීසයකි] - [ඉමාම් බුහාරි එය වාර්තා කර ඇත - බුහාරි හා මුස්ලිම් හි වාර්තා වී ඇත]

විවරණය

රමළාන් මස අවසන් දින දහයේ ලය්ලතුල් කද්ර් රාත්රිය ඇති බව නබි -සල්ලල්ලාහු අලය්හි වසල්ලම්- තුමා දැනගත් පසුව එය සොයමින් එතුමා රමළාන් මස අවසන් දින දහයේ මස්ජිදයේ රැඳී සිට නැමදුම් ඉටු කරන්නෙකු ලෙස සිටි බව ආඉෂා -රළියල්ලාහු අන්හා- තුමිය දන්වා සිටියි. අල්ලාහ් එතුමාව මරණයට පත් කරන තෙක් එතුමා එය අනිවාර්යය කර ගත්හ. සැබැවින්ම එම නීතිය වෙනස් කරනු ලැබූවක් නොවන බවත් එය නබි තුමාණන්ට පමණක් විශේෂිත නොවූවක් බවත් එතුමාගෙන් පසුව එතුමාගේ බිරියන්ද ඉඃතිකාෆ් සිට ඇති බවත් ආඉෂා -රළියල්ලාහු අන්හා තුමිය පෙන්වා දී ඇත. දෙවන ප්රකාශයේ, සැබැවින්ම නබි -සල්ලල්ලාහු අලය්හි වසල්ලම්- තුමා ෆජ්ර් සලාතය ඉටු කළ විට එතුමා ඉඃතිකාෆ් සිටින ස්ථානයට පිවිසුනු බව ඇය විසින් විස්තර කර ඇත. එය තම පරමාධිපතිට නැමදුම් කිරීමටත් ඔහු සමග සම්බන්ධකම් පැවැත්වීමටත්ය. එය මැවීම් අතර ඇති සම්බන්ධතා විසන්ධි කරමින් සිදුවන්නක් නොවීය.