ហាទីស្ហ: “ពិតប្រាកដណាស់ អល់ឡោះជាម្ចាស់ទ្រង់លើកលែង(មិនយកទោសពៃរ៍)ពីប្រជាជាតិរបស់ខ្ញុំនូវអ្វីដែលគេគិតក្នុងចិត្ត ដរាបណាគេមិនទាន់បានប្រព្រឹត្ត ឬនិយាយចេញមក”។

عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّ اللَّهَ تَجَاوَزَ عَنْ أُمَّتِي مَا حَدَّثَتْ بِهِ أَنْفُسَهَا، مَا لَمْ تَعْمَلْ أَوْ تَتَكَلَّمْ».
[صحيح] - [متفق عليه] - [صحيح البخاري: 5269]

អំពី អាពូហ៊ូរ៉យរ៉ោះ رضي الله عنهអំពីណាពី ﷺ លោកបានមានប្រសាសន៍ថា៖
“ពិតប្រាកដណាស់ អល់ឡោះជាម្ចាស់ទ្រង់លើកលែង(មិនយកទោសពៃរ៍)ពីប្រជាជាតិរបស់ខ្ញុំនូវអ្វីដែលគេគិតក្នុងចិត្ត ដរាបណាគេមិនទាន់បានប្រព្រឹត្ត ឬនិយាយចេញមក”។
[صحيح] - [متفق عليه] - [صحيح البخاري - 5269]

ពន្យល់

ណាពី ﷺ លោកបានប្រាប់ថា ជាការពិតណាស់ ជនមូស្លីមមិនត្រូវបានគេយកទោសពៃរ៍ចំពោះគំនិតអាក្រក់ដែលគេបានគិតនោះឡើយ ដរាបណាគេមិនទាន់ប្រព្រឹត្ត ឬនិយាយវាចេញមកទេនោះ ដោយអល់ឡោះទ្រង់លើកលែងទោស និងអធ្យាស្រ័យឱ្យ។ ប្រជាជាតិរបស់ណាពីមូហាំម៉ាត់មិនត្រូវបានដាក់ទោសចំពោះអ្វីដែលនៅក្នុងចិត្ត ឬអ្វីដែលចូលមកក្នុងចិត្តរបស់ពួកគេឡើយ ដរាបណាវាមិនទាន់បានចាក់ឫសជ្រៅ និងស្រណុកចិត្តនឹងវានោះ។ ប៉ុន្តែប្រសិនបើវាបានចាក់ឫសយ៉ាងជ្រៅក្នុងចិត្តរបស់ពួកគេ ដូចជា ការអួតអាង ភាពពុតត្បុត ឬបានធ្វើសកម្មភាពដោយអវយវៈ ឬនិយាយចេញមកដោយពាក្យសំដី នោះគេនឹងត្រូវទទួលទោស។

មេរៀនដែលទាញបានពីហាទីស្ហ

1. អល់ឡោះទ្រង់លើកលែងទោស និងអត់ឱនឱ្យចំពោះគំនិត ការគិតមមៃក្នុងចិត្តរបស់មនុស្ស ដែលដែលកើតឡើងខ្លួនឯង និងឆ្លងកាត់ក្នុងគំនិត។
2. ចំពោះការលែងលះ ប្រសិនបើគេគ្រាន់តែគិតក្នុងចិត្ត ប៉ុន្តែមិនបាននិយាយ ឬសរសេរវាចេញមកទេនោះ វាមិនត្រូវបានចាត់ទុកថាជាការលែងលះទេ។
3. គំនិតក្នុងចិត្តមិនត្រូវបានដាក់ទោសនោះទេ មិនថាវាធំប៉ុណ្ណាឡើយ ដរាបណាវាមិនទាន់ចាក់ឫសនៅក្នុងចិត្ត និងមិនទាន់បានអនុវត្ត ឬនិយាយចេញមក។
4. ឋានៈធំធេងរបស់ប្រជាជាតិណាពីមូហាំម៉ាត់ ﷺ ដោយពួកគេមិនត្រូវបានគេយកទោសពៃរ៍ចំពោះគំនិតដែលគិតក្នុងចិត្តនោះឡើយ ខុសពីប្រជាជាតិមុនៗ។