1. ទំព័រ​ដេីម
  2. បញ្ជីទាំងអស់
  3. Jurisprudence and Juristic Principles

ហាទីស្ហ “ជនណាដែលមានភរិយាពីរ ហើយលម្អៀងទៅរកនរណាម្នាក់ក្នុងចំណោមភរិយាទាំងពីរនោះ នៅថ្ងៃបរលោក គេនឹងមកដល់ដោយចំហៀងខ្លួនម្ខាងរបស់គេផ្អៀង។

عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ كَانَتْ لَهُ امْرَأَتَانِ فَمَالَ إِلَى إِحْدَاهُمَا، جَاءَ يَوْمَ الْقِيَامَةِ وَشِقُّهُ مَائِلٌ».

អំពី អាពូហ៊ូរ៉យរ៉ោះ رضي الله عنه អំពីណាពី ﷺ លោកបានមានប្រសាសន៍ថា៖
“ជនណាដែលមានភរិយាពីរ ហើយលម្អៀងទៅរកនរណាម្នាក់ក្នុងចំណោមភរិយាទាំងពីរនោះ នៅថ្ងៃបរលោក គេនឹងមកដល់ដោយចំហៀងខ្លួនម្ខាងរបស់គេផ្អៀង។

صحيح رواه أبو داود والترمذي والنسائي وابن ماجه وأحمد سنن أبي داود - 2133

ពន្យល់

ណាពី ﷺ លោកបានប្រាប់ថា ជាការពិតណាស់ អ្នកដែលមានភរិយាច្រើនជាងម្នាក់ ហើយមិនមានភាពយុត្តិធម៌រវាងភរិយាទាំងឡាយតាមលទ្ធភាពដែលខ្លួនមានដោយមិនធ្វើឲ្យមានស្មើគ្នារវាងភរិយាទាំងនោះនៅក្នុងការចំណាយ លំនៅឋាន សម្លៀកបំពាក់ និងកន្លែងស្នាក់នៅ ទោសទណ្ឌរបស់ជននោះនៅថ្ងៃបរលោក គឺចំហៀងខ្លួនម្ខាងរបស់ជននោះនឹងផ្អៀង។ ការដែលដងខ្លួនរបស់គេផ្អៀងមួយចំហៀងបែបនេះ គឺជាទណ្ឌកម្មចំពោះភាពអយុត្តិធម៌របស់ជននោះ ដូចដែលគេលម្អៀងទៅរកភរិយាណាមួយជាងភរិយាដទៃទៀតនៅក្នុងការប្រាស្រ័យទាក់ទងគ្នានោះដែរ។

មេរៀនដែលទាញបានពីហាទីស្ហ

  1. ចាំបាច់លើបុរសជាស្វាមីត្រូវបែងចែកឲ្យមានភាពស្មើគ្នារវាងភរិយាទាំងឡាយរបស់ខ្លួន ហើយហាមឃាត់ចំពោះការលម្អៀងទៅកាន់ភរិយាណាម្នាក់ជាងភរិយាដទៃទៀតចំពោះអ្វីដែលគេអាចធ្វើបាន ដូចជាការចំណាយ ការស្នាក់នៅ ការប្រព្រឹត្តល្អ និងអ្វីផ្សេងទៀត។
  2. សមភាពក្នុងការបែងចែក និងបញ្ហាស្រដៀងគ្នាផ្សេងទៀត គឺចំពោះអ្វីដែលមនុស្សអាចគ្រប់គ្រងបាន។ ចំពោះអ្វីដែលគេមិនអាចគ្រប់គ្រងបាន ដូចជាក្តីស្រឡាញ់ និងទំនោរចិត្តជាដើម គឺមិនចូលក្នុងហាទីស្ហនេះទេ ដែលនេះជាអត្ថន័យនៃបន្ទូលរបស់អល់ឡោះជាម្ចាស់ដែលទ្រង់បានមានបន្ទូលថា៖ “ហើយពួកអ្នក(ស្វាមី)មិនអាចផ្ដល់ភាពយុតិ្ដធម៌រវាងបណ្ដាស្រី្ដ(ជាភរិយា)ទាំងឡាយបានឡើយ ទោះបីជាអ្នកព្យាយាមយ៉ាងណាក៏ដោយ”។ [អាន់នីសាក៖១២៩]
  3. ការតបស្នងគឺអាស្រ័យទៅតាមប្រភេទនៃទង្វើ។ ហេតុនេះ បុរសដែលមានភាពលម្អៀងចំពោះភរិយារបស់ខ្លួននៅក្នុងលោកិយនេះ នៅថ្ងៃបរលោក រូបគេនឹងមកដល់ដោយដងខ្លួនរបស់គេផ្អៀងមួយចំហៀងដែរ។
  4. សារៈសំខាន់នៃការរក្សាសិទ្ធិរបស់អ្នកដទៃ ដោយគ្មានការអត់ឱនចំពោះសិទ្ធិមនុស្សឡើយ ព្រោះវាត្រូវបានបង្កើតឡើងដោយផ្អែកលើវិវាទ និងការទាមទារគ្រប់សិទ្ធិ។
  5. លើកទឹកចិត្តឲ្យយកប្រពន្ធតែម្នាក់ ប្រសិនបើបុរសនោះបារម្ភខ្លាចថា ខ្លួនមិនអាចផ្តល់ភាពយុត្តិធម៌រវាងប្រពន្ធទាំងឡាយរបស់ខ្លួនបាន ដើម្បីកុំឱ្យរូបគេមានការខ្វះខាតក្នុងសាសនា។ អល់ឡោះជាម្ចាស់ទ្រង់បានមានបន្ទូលថា៖ “ប្រសិនបើពួកអ្នកបារម្ភខ្លាចមិនអាចផ្ដល់ភាពយុត្តិធម៌បានទេនោះ ចូរពួកអ្នករៀបការតែម្នាក់បានហើយ”។ [អាន់នីសាក៖ ៣]

បង្ហាញការបកប្រែ

47 ភាសា
EN English الإنجليزية
UR اردو الأوردية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية