1. ទំព័រ​ដេីម
  2. បញ្ជីទាំងអស់
  3. Virtues and Manners

ហាទីស្ហ “ពិតប្រាកដណាស់ មានស្ដ្រីជាច្រើនបានមកប្ដឹងភរិយារបស់មូហាំម៉ាត់អំពីស្វាមីរបស់ខ្លួន។ អ្នកទាំងនោះមិនមែនជាមនុស្សល្អជាងគេនៃពួកអ្នកឡើយ”។

عَنْ إِيَاسِ بْنِ عَبْدِ اللَّهِ بْنِ أَبِي ذُبَابٍ رَضيَ اللهُ عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لَا تَضْرِبُوا إِمَاءَ اللَّهِ» فَجَاءَ عُمَرُ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ فَقَالَ: ذَئِرْنَ النِّسَاءُ عَلَى أَزْوَاجِهِنَّ، فَرَخَّصَ فِي ضَرْبِهِنَّ، فَأَطَافَ بِآلِ رَسُولِ اللَّهِ صَلَّى اللهُ عَلَيْهِ وَسَلَّمَ نِسَاءٌ كَثِيرٌ يَشْكُونَ أَزْوَاجَهُنَّ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «لَقَدْ طَافَ بِآلِ مُحَمَّدٍ نِسَاءٌ كَثِيرٌ يَشْكُونَ أَزْوَاجَهُنَّ، لَيْسَ أُولَئِكَ بِخِيَارِكُمْ».

អំពី អ៊ីយ៉ាស ពិន អាប់ទុលឡោះ ពិន អាពូហ្ស៊ូហ្ពាប رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ចូរពួកអ្នកកុំវាយដំស្រី្ដដែលជាខ្ញុំបម្រើរបស់អល់ឡោះ”។ ពេលនោះ អ៊ូមើរ បានមកជួបរ៉ស៊ូលុលឡោះ ﷺ ហើយនិយាយថា៖ ស្ដ្រីទាំងឡាយហ៊ានបំពានលើប្ដីរបស់ខ្លួន។ ខណៈនោះ រ៉ស៊ូលុលឡោះ ﷺ ក៏បានអនុញ្ញាតឲ្យវាយពួកនាង។ ក្រោយមក មានស្ដ្រីជាច្រើនបានមកប្ដឹងភរិយារ៉ស៊ូលុលឡោះ ﷺ អំពីស្វាមីរបស់ខ្លួន។ រ៉ស៊ូលុលឡោះ ﷺ ក៏បានមានប្រសាសន៍ថា៖ “ពិតប្រាកដណាស់ មានស្ដ្រីជាច្រើនបានមកប្ដឹងភរិយារបស់មូហាំម៉ាត់អំពីស្វាមីរបស់ខ្លួន។ អ្នកទាំងនោះមិនមែនជាមនុស្សល្អជាងគេនៃពួកអ្នកឡើយ”។

صحيح رواه أبو داود وابن ماجه سنن أبي داود - 2146

ពន្យល់

ណាពី ﷺ លោកបានហាមឃាត់មិនឲ្យវាយដំភរិយាឡើយ។ ពេលនោះ អាមីរុលមុមីនីន អ៊ូមើរ ពិនអាល់ខត្តប رضي الله عنه បានមកជួបណាពី ﷺ ហើយនិយាយថា៖ ស្ដ្រីទាំងឡាយហ៊ានបំពានលើប្ដីរបស់ខ្លួន និងមានសុជីវធម៌មិនល្អ។ ហេតុនេះ រ៉ស៊ូលុលឡោះ ﷺ ក៏បានអនុញ្ញាតឲ្យវាយអប់រំពួកនាង តែវាយដោយមិនបង្កឲ្យមានរបួសស្នាមនោះឡើយប្រសិនបើមានមូលហេតុត្រឹមត្រូវ ដូចជាមិនបំពេញនូវសិទ្ធិរបស់ស្វាមី និងប្រឆាំងនឹងស្វាមីជាដើម។ ក្រោយមក មានស្ដ្រីជាច្រើនបានមកប្ដឹងភរិយារ៉ស៊ូលុលឡោះ ﷺ ថា ប្ដីរបស់ខ្លួនបានវាយពួកនាងឲ្យមានរបួស ហើយនិងភាពមិនល្អនៃការប្រើប្រាស់ការអនុញ្ញាត(ឲ្យវាយ)នេះ។ ពេលនោះ រ៉ស៊ូលុលឡោះ ﷺ ក៏បានមានប្រសាសន៍ថា៖ ពិតប្រាកដណាស់ បុរសដែលបានវាយភរិយារបស់ខ្លួនឲ្យមានរបួសទាំងនោះ ពួកគេមិនមែនជាមនុស្សល្អជាងគេក្នុងចំណោមពួកអ្នកឡើយ។

មេរៀនដែលទាញបានពីហាទីស្ហ

  1. បញ្ជាក់ពីឧត្តមភាពនៃការមានទំនាក់ទំនងជាមួយនឹងភរិយាដោយល្អប្រសើរ ហើយពិតណាស់ការអត់ធ្មត់ចំពោះភរិយា និងធ្វើមិនដឹងមិនឮចំពោះបញ្ហាដែលកើតចេញពីភរិយា គឺល្អជាងការវាយពួកនាង។
  2. អល់ឡោះជាម្ចាស់បានចាត់ទុកការវាយ គឺជាដំណាក់កាលចុងក្រោយក្នុងការព្យាបាលការមិនស្តាប់បង្គាប់ប្តី ដោយទ្រង់បានមានបន្ទូលថា៖ ﴿ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا﴾ [سورة النساء(34)] (ដោយឡែកស្ដ្រីដែលពួកអ្នក(បី្ដ)បារម្ភនូវការមិនគោរពរបស់ពួកនាង(ចំពោះប្ដី)នោះ ចូរពួកអ្នក ដាស់តឿនពួកនាង និងចាកចេញពីកន្លែងគេងរបស់ពួកនាង ហើយនិងវាយអប់រំពួកនាង។ តែប្រសិនបើពួកនាងងាកមកគោរពតាមពួកអ្នកវិញ ដូចេ្នះ ចូរពួកអ្នកកុំរកផ្លូវធ្វើឱ្យលំបាកដល់ពួកនាងទៀតឱ្យសោះ។ ពិតប្រាកដណាស់ អល់ឡោះមហាខ្ពង់ខ្ពស់ មហាធំធេង)។ ទាំងបីនេះ គឺត្រូវធ្វើតាមលំដាប់លំដោយ ពុំមែនធ្វើទាំងអស់ក្នុងពេលតែមួយនោះឡើយ។ ដូចនេះ គេត្រូវចាប់ផ្តើមដោយការទូន្មាន ដាស់តឿន និងក្រើនរំលឹក។ ប្រសិនបើបានផល អាល់ហាំទូលិលឡះ។ តែប្រសិនបើមិនបានផលទេ គឺត្រូវគេងបែកគ្នា។ ហើយប្រសិនបើនៅតែមិនបានផលទៀត គឺត្រូវវាយ ជាការវាយអប់រំ ពុំមែនវាយដោយការចងគំនុំ(បង្ករបួសស្នាម)នោះឡើយ។
  3. បុរស គឺជាអ្នកគ្រប់គ្រងនៅក្នុងផ្ទះរបស់ខ្លួន។ ហេតុនេះ ចាំបាច់ត្រូវអប់រំសមាជិកគ្រួសារ និងកែតម្រូវពួកគេដោយគតិបណ្ឌិត និងការប្រៀនប្រដៅដោយល្អប្រសើរ។
  4. អនុញ្ញាតឲ្យអ្នកចេះដឹងអាចពិនិត្យឡើងវិញចំពោះច្បាប់ដែលខ្លួនបានចេញ ដើម្បីកំណត់នូវផលវិបាកនិងលទ្ធផលរបស់វា។
  5. អនុញ្ញាតឲ្យប្តឹងទៅកាន់អ្នកដឹកនាំ ឬអ្នកចេះដឹង ប្រសិនបើមានគ្រោះថ្នាក់ចំពោះអ្នកប្តឹងទាក់ទងនឹងអត្ថន័យនៃពាក្យមួយចំនួន។

បង្ហាញការបកប្រែ

36 ភាសា
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية