1. Дома
  2. Категории
  3. Доблести и манири

Хадис „Денес кај семејството на Мухамед дојдоа многу жени жалејќи се на своите мажи. Таквите мажи не се меѓу најдобрите меѓу вас.“

عَنْ إِيَاسِ بْنِ عَبْدِ اللَّهِ بْنِ أَبِي ذُبَابٍ رَضيَ اللهُ عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لَا تَضْرِبُوا إِمَاءَ اللَّهِ» فَجَاءَ عُمَرُ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ فَقَالَ: ذَئِرْنَ النِّسَاءُ عَلَى أَزْوَاجِهِنَّ، فَرَخَّصَ فِي ضَرْبِهِنَّ، فَأَطَافَ بِآلِ رَسُولِ اللَّهِ صَلَّى اللهُ عَلَيْهِ وَسَلَّمَ نِسَاءٌ كَثِيرٌ يَشْكُونَ أَزْوَاجَهُنَّ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «لَقَدْ طَافَ بِآلِ مُحَمَّدٍ نِسَاءٌ كَثِيرٌ يَشْكُونَ أَزْوَاجَهُنَّ، لَيْسَ أُولَئِكَ بِخِيَارِكُمْ».

Ијас бин Абдулах бин ебу Зубаб, Аллах нека е задоволен со него, раскажува: Божјиот пратеник, салаллаху алејхи ве селем, рекол:
„Не ги удирајте Аллаховите робинки (жените).“ Потоа Омер, Аллах нека е задоволен со него, дојде кај Божјиот пратеник, салаллаху алејхи ве селем, и рече: „Жените станаа дрски кон своите мажи.“ Тогаш Пратеникот, салаллаху алејхи ве селем, дозволи тие да бидат удрени (во воспитна смисла). Подоцна многу жени дојдоа кај семејството на Божјиот пратеник, салаллаху алејхи ве селем, жалејќи се на своите мажи. Тогаш Пратеникот, салаллаху алејхи ве селем, рече: „Денес кај семејството на Мухамед дојдоа многу жени жалејќи се на своите мажи. Таквите мажи не се меѓу најдобрите меѓу вас.“

صحيح رواه أبو داود وابن ماجه سنن أبي داود - 2146

Објаснување

Божјиот пратеник, салаллаху алејхи ве селем, го забранил удирањето на сопругите. Тогаш дошол владателот на верниците, Омер бин Ел-Хатаб, Аллах нека е задоволен со него, и рекол: „О, Божји пратенику, жените станаа дрски кон своите мажи и нивниот однос се влоши.“ Пратеникот, салаллаху алејхи ве селем, тогаш дозволил да се удираат, но со лесен удар кој не остава траг и само доколку постои сериозна причина – како одбивање на брачните должности, непослушност и слично. Потоа многу жени дошле кај сопругите на Божјиот пратеник, салаллаху алејхи ве селем, жалејќи се дека нивните мажи ги удираат сурово и неправедно, злоупотребувајќи ја оваа дозвола. Тогаш Пратеникот, салаллаху алејхи ве селем, рекол: „Мажите кои своите сопруги ги удираат сурово – тие не се најдобрите/избраните меѓу вас.“

Од придобивките на хадисот

  1. Укажување на доблеста на убавото однесување кон жените и дека трпеливоста со нив, како и занемарувањето на нивните ситни недостатоци, е подобро од удирањето.
  2. Возвишениот Аллах го пропишал удирањето како последна фаза во лекувањето на непослушноста, велејќи: „Тие за чијашто непослушност се плашите, посоветувајте ги, а потоа напуштете ги постелите нивни, па и удрете ги! Ако ви станат послушни, против нив ништо не правете! Аллах е навистина Возвишен и Голем!“ (Ен-Ниса, 34) Овие три мерки се применуваат по редослед, а не истовремено: 1. Најпрво се советува, поучува и потсетува. Ако тоа даде резултат – елхамдулиллах. 2. Ако не помогне, следи напуштање во постелата. 3. Ако и тоа не даде резултат, дозволено е лесно удирање за воспитна цел, а не од одмазда.
  3. Мажот е одговорен за својот дом и должност му е да воспитува и насочува со мудрост и убав совет.
  4. Дозволено е да се преиспита мислењето на учениот во неговата фетва за да се разберат последиците и исходот од неа.
  5. Дозволено е да се поднесе жалба кај владетелот или учениот, ако оној што се жали претрпел неправда или штета.

Преглед на преводи

36 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية