فەرموودە: هەرکەسێک دوو ژنی هەبێت مەیلی بۆ لای یەکێکیان زیاتر بێت؛ ئەوا ڕۆژی قیامەت دێت ولایەکی لاشەی لار بووەتەوە

عن أبي هريرة، عن النبي صلى الله عليه وسلم قال: «مَنْ كانت له امرأتان فَمَالَ إلى إحْداهُما جاء يومَ القيامةِ وشِقُّهُ مَاِئلٌ».
[صحيح] - [رواه أبو داود والترمذي والنسائي وابن ماجه والدارمي وأحمد]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «هەرکەسێک دوو ژنی هەبێت مەیلی بۆ لای یەکێکیان زیاتر بێت؛ ئەوا ڕۆژی قیامەت دێت ولایەکی لاشەی لار بووەتەوە».
[صەحیحە] - [ئیبنو ماجه گێڕاویەتیەوە - تورموذی گێڕاویەتیەوە - نەسائی گێڕاویەتیەوە - ئیبنوداود گێڕاویەتیەوە - ئەحمەد گێڕاویەتیەوە - دارەمی گێڕاویەتیەوە]

شیکردنەوە

ئەم فەرموودەیە ئەوە ڕووندەکاتەوە کە دادپەروەری واجبە لەسەر پیاو بەرامبەر خێزانەکانى ئەگەر زیاتر لە یەک ژنی هەبوو، وئەگەر مەیل وگرنگیدانی بە خێزانێکی زیاتر بێت جیا لە ئەوانى تر ئەوا ئەمە حەرامکراوە، وباسی سزای ئەو کەسەی کردووە کە ستەم دەکات لە یەکێک لە خێزانەکانى ودادپەروەر نابێت لە کاتی دابەشکردنی مافەکانیان، وخواى گەورە ئەم پیاوە نادادپەروەرە سزا دەدات ئەویش بەوەى ئابڕووی دەچێت ودێت بۆ خاکی مەحشەر لایەکی لاشەی لاربووەتەوە، وسزا لە ڕەگەزی کردەوەکانە. ودادپەروەری لە نێوان خێزانەکاندا واجبە پێی توانای خەرجی ودابینکردنی شوێنی نیشتەجێبوون وجوان مامەڵەکردن وسەرجەم پێداویستیەکانى تر، بەڵام ئەو شتانەى کە مرۆڤ زۆر جار دەسەڵاتی بەسەردا نییە وەکو خۆشەویستی ومەیلی دڵ لەم حاڵەتەدا مرۆڤ گوناهبار نابێت، چونکە ئەمە لە دەرەوەى توانای مرۆڤدایە.