Hadiis: Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle

عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ كَانَتْ لَهُ امْرَأَتَانِ فَمَالَ إِلَى إِحْدَاهُمَا، جَاءَ يَوْمَ الْقِيَامَةِ وَشِقُّهُ مَائِلٌ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 2133]

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) ɑ yeelame:
«Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle».
[Naṣʋn Ṣahɩɩhʋn (Gom-sikdem sẽn manege)] - - [Sunan Abɩɩ Daawʋʋd - 2133]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõta kibare, tɩ ned ning sẽn wa n tara sẽn yɩɩd pʋg-yεnga, n ka tẽeg tɩrg pagbã ne taab sʋka a pãng tõog tεka, ne a sẽn na n maan b sʋkã n zems, rɩtlã wεεngẽ la zagsã la yeremã, la gãagã, a sɩbgr dũni yikr raarã, yaa a yĩngã pʋsʋka n na n kɩlle, la a kɩllegã yaa sɩbgr ne yẽnda a wẽgbã sababo, wala yẽ sẽn da kɩlle a tʋmd-n-taarẽ wã ne a pagbã sʋka.

Sẽn be Hɑdiisã yõod-rãmbẽ

1. Wilgda pʋɩɩbã sẽn yaa tɩlae n rog raoã a pagbã ne taab sʋka, la yaa haraam ne-a t'a wa kɩll zãnga n tʋg a pagbã a yembrẽ, bũmb ning yẽ sẽn tõe n maan tɩ ka yɩ woto wã, wala rɩtla la gãag zĩigẽ, la yek-n-ta-sõngo la sẽn wõnd rẽnda.
2. Sõmb n maaname tɩ moenda zems taaba la sẽn wõnd rẽ, a sẽn tõe tεkẽ, la sã n yaa a sẽn ka tõe bũmb ningã wala nonglemã la sũurã yag-ne wã, yẽ ka kẽed hadiisã pʋgẽ ye, la yaa yẽnda la sẽn rat Wẽnd koεεgã pʋgẽ wã, A sẽn yeele, (A Naam zẽk yã): {Lɑ y kõn tol n tõog n mɑɑn tɩ yɩ yembr pɑgbã ne tɑɑb sʋk ye, bɑa tɩ y sã n bʋ nonglem ne rẽ} [An-nisaa'ʋ (Pagbã sʋʋra). 129].
3. Rolbã yɩta tʋʋmdã buudu, bala nedã a sẽn wa n kɩll dũni wã n bas a pagã n kẽng pag a to wã, la a sẽn wa dũni yikr raarã, t'a boagã yembr yaa sẽn kɩlle n yɩɩd a yembrã.
4. Wilgda yembsã hakε-rãmbã zɩsgre la a wilgdẽ tɩ bas-tɩ-loog ka be a pʋgẽ, bala yẽnda yaa sẽn sig ne baoob la pʋg-n-soke.
5. B sẽn bʋ nonglem tɩ b tek ne pʋg-yεnga, tɩ ned sã n wa yεεsd t'a ka na n tõog n tẽeg tɩrg pagbã sʋka, sẽn na yɩl n ra wa tʋg n lʋɩ kʋʋg koεεg dĩinã pʋgẽ; Wẽnd yeelame, (A Naam zẽk yã): {Lɑ y sã n yεεsd tɩ y pɑ nɑ n tẽeg tɩrgɑ, bɩ y fur yembre} [An-nisaa'ʋ (Pagbã sʋʋra): 3].