නබි වදන: කවරෙකු සතුව බිරියන් දෙදෙනෙකු වී ඔහු ඔවුන් දෙදෙනාගෙන් එකියක වෙත පමණක් නැඹුරු වූයේ ද මළවුන් කෙරෙන් නැගිටුවනු ලබන දිනයේ ඔහුගේ පැත්තක් ඇළ වූ තත්ත්වයේ ඔහු පැමිණෙනු ඇත
عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ كَانَتْ لَهُ امْرَأَتَانِ فَمَالَ إِلَى إِحْدَاهُمَا، جَاءَ يَوْمَ الْقِيَامَةِ وَشِقُّهُ مَائِلٌ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 2133]
المزيــد ...
නබි (සල්ලල්ලාහු අලයිහි වසල්ලම්) තුමාණන් ප්‍රකාශ කළ බව අබූ හුරෙයිරා (රළියල්ලාහු අන්හු) තුමා විසින් මෙසේ වාර්තා කරන ලදී:
"කවරෙකු සතුව බිරියන් දෙදෙනෙකු වී ඔහු ඔවුන් දෙදෙනාගෙන් එකියක වෙත පමණක් නැඹුරු වූයේ ද මළවුන් කෙරෙන් නැගිටුවනු ලබන දිනයේ ඔහුගේ පැත්තක් ඇළ වූ තත්ත්වයේ ඔහු පැමිණෙනු ඇත."
[පූර්ව සාධක සහිත හදීසයකි] - - [سنن أبي داود - 2133]
එක් බිරියකට වැඩි ප්‍රමාණයක් තමන් සතුව සිට වියදම් කිරීම, නවාතැන් ලබා දීම, ඇඳුම් පැළඳුම් ලබා දීම, රාත්‍රිය ගත කිරීම වැනි ඔවුන් අතර හැකි පමණින් ඔවුන්ගේ නියමිත කොටස සමසේ වෙන් කිරීමෙහි ඔවුනට යුක්තිය ඉටු නොකළ තත්ත්වයේ මිය ගියේ ද මළවුන් කෙරෙන් නැගිටුවනු ලබන දිනයේ ඔහුට හිමිවන දඬුවම ඔහුගේ ශරීරයේ පැත්තක් ඇළ වී තිබීමය. ඔහු මෙලොව කටයුතු කිරීමේ දී පැත්තකට නැඹුරු වූ සේම, ඔහුගේ මෙම අපාරධය සඳහා ඔහු සතු දඬුවම වන්නේ ද එසේ පැත්තකට ඇළවී තිබීමයි.
හදීසයේ හරය
- භාර්යාවන් දෙදෙනෙකු හෝ ඊට වැඩි භාර්යාවන් සංඛ්‍යාවක් සිටී නම්, ඔවුන් අතර කටයුතු සමසේ බෙදා වෙන් කිරීම ස්වාමියා සතු වගකීමය. වියපැහැදම් කිරීම, රාත්‍රිය ගත කිරීම, යහ අයුරින් ආශ්‍රය කිරීම යනාදී තමන්ට හැකි කරුණුවල දී එකියක් අත් හැර අනෙක් අය වෙත පමණක් නැඹුරු වීම තහනම් කර ඇත.
- මිනිසා සතුව ඇති වස්තුව කොටස් කිරීමේ දී සමානාත්මතාවය පිළිපැදිය යුතු වේ. නමුත් ආදරය, හදවතේ පවතින නැඹුරුව වැනි තමන් සතුව නැති දෑ වනාහි, එය මෙම හදීසය තුළට ඇතුළත් වන්නේ නැත. "තවද නුඹලා ආශා කළ ද බිරියන් අතර සාධාරණ ව කටයුතු කිරීමට නුඹලා ශක්තිය නොදරන්නෙහුමය..." (අන්-නිසා: 129) යන උත්තරීතර අල්ලාහ්ගේ මෙම ප්‍රකාශයේ අරමුණ එයයි.
- ප්‍රතිවිපාකය ආදාළ ක්‍රියා වර්ගයෙන්ම පිහිටනු ඇත. සැබැවින්ම මිනිසා මෙලොවෙහි එක් බිරියක් වෙත අනෙකාට වඩා නැඹුරුවීමක් දක්වන්නේ නම් මළවුන් කෙරෙන් නැගිටුවනු ලබන දිනයේ පැත්තක් අනෙක් පැත්තකට වඩා ඇළ වූ තත්ත්වයේ ඔහු පැමිණෙනු ඇත.
- මිනිසුන් සතු වගකීම් සඳහා දෙන ගෞරවය. එහි දී කිසිදු සමාවක් නැත.
- තම බිරියන් අතර තමන් සාධාරණව කටයුතු නොකරනු ඇතැයි බිය වූ විටෙක, එක් බිරියක් මත පමණක් සීමාවීම සතුටු දායකය. එය දහම තුළ අඩුපාඩු ඇති නොකරනු පිණිසය. උත්තරීතර අල්ලාහ් මෙසේ ප්‍රකාශ කර ඇත. ...එනමුත් (ඔවුන් අතර) යුක්ති සහගත ව කටයුතු කිරීමට නොහැකි වේ යැයි නුඹලා බිය වූයෙහු නම් එක් තැනැත්තියක් හෝ නුඹලාගේ දකුණත හිමි (වහල්) කතක් හෝ පමණක් විය යුතුය...) සූරා අන්-නිසා: 3)
ප්‍රවර්ග
අමතර
- නබි වදන: දේවත්වය විශ්වාස කරන්නන් අතරින් වඩාත් පූර්ණතම අය වනුයේ ඔවුන් අතර සිටින ගතිගුණවලින් වඩාත් අලංකාර අය වෙති. නුඹලා අතර උතුම් වනුයේ තම බිරියන්ට වඩාත් උතුම් වන අය වෙති.
- නබි වදන: භාරකරුවකු නොමැතිව විවාහයක් නැත.
- නබි වදන: දේව විශ්වාස වන්තයා, දේව විශ්වාසවන්තිය ගැන ක්රෝධයක් ඇති කරගත නොයුතුය. ඇයගෙන් යම් ගතිගුණයක් ඔහු පිළිකුල් කළ විට ඇයගෙන් වෙනත් දැයක් (ගතිගුණයක්) ගැන තෘප්තියට පත් වනු ඇත. (තවත් වාර්තාවක) ‘ඒ හැර වෙන් දෙයක්‘ යැයි ද පවසා ඇත.
- නබි වදන: පුරුෂයකු තම අවශ්යතාව සඳහා තම බිරියව ඇරයුම් කළ විට, ඇය ලිප මොළවමින් සිටිය ද ඔහු වෙත ඇය යා යුතු වේ.
- නබි වදන: නුඹලා සෑම කෙනෙකුම මෙහෙයවන්නෙකි. නුඹලා සෑම කෙනෙකුම තම මෙහෙයවීම සම්බන්ධයෙන් ප්රශ්න කරනු ලබන්නෙකි. නායකයා මෙහෙයවන්නෙකි. මිනිසා තම නිවැසියන් මත මෙහෙයවන්නෙකි. කාන්තාව ඇයගේ ස්වාමිපුරුෂයාගේ නිවස හා ඔහුගේ දරුවා මත මෙහයවන්නියකි. ඒ අනුව නුඹලා සෑම කෙනෙකුම මෙහෙයවන්නෙකි. නුඹලා සෑම කෙනෙකුම තම මෙහෙයවීම සම්බන්ධයෙන් ප්රශ්න කරනු ලබනු ඇත.
- නබි වදන: කවරෙකු භූමියෙන් වියතක තරම් ප්‍රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: කන්යාවියක් ඇගෙන් අවසර පතන තෙක් විවාහ කර දෙනු නොලැබේ. මෙය අසා සිටි එතුමාණන්ගේ සහගාමීහු “අල්ලාහ්ගේ දූතයාණෙනි! ඇය විසින් අවසරය ලැබිය කෙසේද?” යැයි විමසුහ. එවිට එතුමාණන්: “ඇය නිහඬව සිටීම” (ඇගේ අවසරය) යි" පැවසුහ.