Hadith: ខ្ញុំបានសួរថា៖ ឱរ៉ស៊ូលុលឡោះ! តើសិទ្ធិភរិយារបស់ពួកយើងចំពោះស្វាមីមានអ្វីខ្លះ? លោកបានឆ្លើយថា៖ “អ្នកត្រូវផ្ដល់អាហារដល់នាងពេលអ្នកទទួលទាន ត្រូវផ្ដល់សម្លៀកបំពាក់ដល់នាងពេលអ្នកស្លៀកពាក់ មិនត្រូវវាយមុខ មិនត្រូវជេរប្រមាថ និងមិនត្រូវបំបែកនាងពីកន្លែងដេកឡើយ លើកលែងតែនៅក្នុងផ្ទះប៉ុណ្ណោះ”។

عَنْ مُعَاوِيَةَ الْقُشَيْرِيِّ رضي الله عنه قَالَ:
قُلْتُ: يَا رَسُولَ اللَّهِ، مَا حَقُّ زَوْجَةِ أَحَدِنَا عَلَيْهِ؟، قَالَ: «أَنْ تُطْعِمَهَا إِذَا طَعِمْتَ، وَتَكْسُوَهَا إِذَا اكْتَسَيْتَ، أَوِ اكْتَسَبْتَ، وَلَا تَضْرِبِ الْوَجْهَ، وَلَا تُقَبِّحْ، وَلَا تَهْجُرْ إِلَّا فِي الْبَيْتِ»
[حسن] - [رواه أبو داود وابن ماجه وأحمد] - [سنن أبي داود: 2142]

អំពី មូអាវីយ៉ះ អាល់គូស្ហៃរី رضي الله عنه បាននិយាយថា៖
ខ្ញុំបានសួរថា៖ ឱរ៉ស៊ូលុលឡោះ! តើសិទ្ធិភរិយារបស់ពួកយើងចំពោះស្វាមីមានអ្វីខ្លះ? លោកបានឆ្លើយថា៖ “អ្នកត្រូវផ្ដល់អាហារដល់នាងពេលអ្នកទទួលទាន ត្រូវផ្ដល់សម្លៀកបំពាក់ដល់នាងពេលអ្នកស្លៀកពាក់ មិនត្រូវវាយមុខ មិនត្រូវជេរប្រមាថ និងមិនត្រូវបំបែកនាងពីកន្លែងដេកឡើយ លើកលែងតែនៅក្នុងផ្ទះប៉ុណ្ណោះ”។
[حسن] - [رواه أبو داود وابن ماجه وأحمد] - [سنن أبي داود - 2142]

Explanation

មានគេសួរណាពី ﷺ ថា៖ តើអ្វីទៅសិទ្ធិរបស់ភរិយាចំពោះស្វាមីរបស់ខ្លួន? ពេលនោះ លោកបានលើកឡើងនូវចំណុចមួយចំនួន ក្នុងចំណោមនោះ៖
ទីមួយ៖ កុំបរិភោគអាហារតែឯង។ ផ្ទុយទៅវិញ ត្រូវចែករំលែកអាហារដល់នាងនៅពេលអ្នកបរិភោគ។
ទីពីរ៖ កុំស្លៀកសម្លៀកបំពាក់តែឯង។ ផ្ទុយទៅវិញ ត្រូវផ្គត់ផ្គង់សម្លៀកបំពាក់ដល់នាងនៅពេលអ្នករកបាន ឬមានលទ្ធភាព។
ទីបី៖ មិនត្រូវវាយភរិយាឡើយ លើកលែងតែមានហេតុផលចាំបាច់។ ប្រសិនបើចាំបាច់ត្រូវវាយភរិយាដើម្បីជាការអប់រំ ឬដោយសារតែនាងបោះបង់កាតព្វកិច្ចមួយចំនួន ការវាយអប់រំនោះមិនត្រូវបង្កឱ្យមានរបួសស្នាមឡើយ ហើយក៏មិនត្រូវវាយទៅលើមុខនោះដែរ ព្រោះមុខជាផ្នែកដ៏សំខាន់បំផុត និងលេចធ្លោបំផុតនៃរាងកាយ ជាសរីរាង្គដែលមានលក្ខណៈពិសេស និងថ្លៃថ្នូរបំផុត។
ទីបួន៖ មិនត្រូវជេរប្រមាថ ឬនិយាយថា៖ “សូមឱ្យអល់ឡោះបរាមុខអ្នក”ឡើយ។ មិនត្រូវនិយាយអាក្រក់អំពីរាងកាយរបស់នាងឡើយ ព្រោះអល់ឡោះជាម្ចាស់ជាអ្នកបង្កើតមុខមាត់និងរាងកាយមនុស្ស ហើយទ្រង់បង្កើតអ្វីៗទាំងអស់យ៉ាងល្អឥតខ្ចោះ។ ការបន្តុះបង្អាប់អំពីរូបរាងកាយ គឺជាការបន្តុះបង្អាប់ដល់អល់ឡោះដែលជាអ្នកបង្កើត។ សូមអល់ឡោះជាម្ចាស់បញ្ចៀសពួកយើងផងចុះ។
ទីប្រាំ៖ មិនធ្វើពហិការនាង ក្រៅពីគ្រែគេងឡើយ។ ហើយក៏មិនត្រូវបោះបង់នាង ឬបញ្ជូននាងទៅផ្ទះផ្សេងដែរ។ នេះគឺជាការធ្វើពហិការដែលអាចកើតឡើងជាទូទៅរវាងប្តី និងប្រពន្ធ។

Benefits from the Hadith

1. បញ្ជាក់ពីការយកចិត្តទុកដាក់របស់សហាហ្ពាត់ក្នុងការស្វែងយល់ពីកាតព្វកិច្ចដែលពួកគេត្រូវធ្វើចំពោះអ្នកដទៃ និងសិទ្ធិដែលពួកគេមាន។
2. ការផ្គត់ផ្គង់អាហារ សម្លៀកបំពាក់ និងកន្លែងស្នាក់នៅដល់ភរិយា គឺជាកាតព្វកិច្ចលើស្វាមី។
3. ការរំលោភបំពានទាំងផ្លូវចិត្ត និងផ្លូវកាយ គឺត្រូវបានហាមឃាត់។
4. ក្នុងចំណោមការជេរប្រមាថដែលត្រូវបានហាមឃាត់ គឺការនិយាយថា៖ អ្នកមកពីកុលសម្ព័ន្ធដែលអន់ ឬ អ្នកមកពីគ្រួសារដែលអាក្រក់ ឬពាក្យស្រដៀងគ្នានេះ។