ჰადისი: მე ვკითხე: "ო, ალლაჰის მოციქულო, რა არის ჩვენი ცოლის უფლება ჩვენზე?" მან მიუგო: «რომ აჭამო, როცა თავად ჭამ, და ჩააცვა, როცა თავად გაცვია ან თვად იმოსები, ნუ დაარტყამ სახეში, ნუ შეარცხვენ მას და ნუ მიატოვებ, გარდა სახლის შიგნით

عَنْ مُعَاوِيَةَ الْقُشَيْرِيِّ رضي الله عنه قَالَ:
قُلْتُ: يَا رَسُولَ اللَّهِ، مَا حَقُّ زَوْجَةِ أَحَدِنَا عَلَيْهِ؟، قَالَ: «أَنْ تُطْعِمَهَا إِذَا طَعِمْتَ، وَتَكْسُوَهَا إِذَا اكْتَسَيْتَ، أَوِ اكْتَسَبْتَ، وَلَا تَضْرِبِ الْوَجْهَ، وَلَا تُقَبِّحْ، وَلَا تَهْجُرْ إِلَّا فِي الْبَيْتِ»
[حسن] - [رواه أبو داود وابن ماجه وأحمد] - [سنن أبي داود: 2142]

მუავია ალ-ყუშაირიმ (ალლაჰი იყოს მისით კმაყოფილი) თქვა:
მე ვკითხე: "ო, ალლაჰის მოციქულო, რა არის ჩვენი ცოლის უფლება ჩვენზე?" მან მიუგო: «რომ აჭამო, როცა თავად ჭამ, და ჩააცვა, როცა თავად გაცვია ან თვად იმოსები, ნუ დაარტყამ სახეში, ნუ შეარცხვენ მას და ნუ მიატოვებ, გარდა სახლის შიგნით».
[კარგი (ჰასან)] - [გადმოსცა აბუ დაუდმა, იბნ მააჯამ და აჰმადმა] - [სუნან აბი დაუდ - 2142]

განმარტება

ალლაჰის მოციქულს (ალლაჰის ლოცვა და მშვიდობა მას) ჰკითხეს: "რა არის ცოლის უფლება ქმარზე?“ მოციქულმა (ალლაჰის ლოცვა და მშვიდობა მას) ჩამოთვალა რამდენიმე საკითხი, მათ შორისაა:
პირველ რიგში: ნუ დაიტოვებ საკვებს მხოლოდ საკუთარი თავისთვის; არამედ აჭამე მას ყოველთვის, როცა თავად ჭამ და იკვებები.
მეორე: ნუ დაიტოვებ სამოსსა და ტანსაცმელს მხოლოდ საკუთარი თავისთვის; არამედ ჩააცვი მას, როცა თავად გაცვია, და როცა შეძლებ მის შეძენას.
მესამე: ნუ დაარტყამ (რბილად და არა ისე, რომ რაიმე ეტკინოს), გარდა საჭიროებისა და აუცილებლობის შემთხვევაში. თუ დისციპლინისთვის ან ვალდებულებების მიტოვების გამო საჭიროა დარტყმა, ის უნდა იყოს მსუბუქი და და არა მტკივნეული. სახეში დარტყმა აკრძალულია, რადგან სახე ყველაზე მნიშვნელოვანი და თვალსაჩინო ორგანოა, რომელიც შეიცავს პატივსაცემ და ნაზ ნაწილებს.
მეოთხე: არ შეურაცხყო ის და ნუ ეტყვი: „ალლაჰმა დაამახინჯოს შენი სახე, ნუ დაუკავშირებ მას ან მისი სხეულის რომელიმე ნაწილს სილამაზის საწინააღმდეგო სიმახინჯეს, რადგან ალლაჰმა შექმნა ადამიანის სახე და სხეული და მან ყველაფერი სრულყოფილად და ლამაზად შექმნა, შექმნილობის გაკიცხვა უბრუნდება თავად შემოქმედის გაკიცხვას, და ალლაჰმა დაგვიცვას ამისგან!
მეხუთე: ნუ მიატოვებ, გარდა საწოლში დროებითი განშორებისა. ნუ გაერიდები მთლიანად და ნუ გადაიყვან მას სხვა სახლში. ეს, სავარაუდოდ, იმ ჩვეული კონფლიქტების ფარგლებშია, რაც ქმარსა და ცოლს შორის ხდება ხოლმე.

ჰადისის სარგებლობიდან

1. საჰაბები (ალლაჰი იყოს მათით კმაყოფილი) დიდ ყურადღებას გამოხატავდნენ იმის მიმართ, რომ გაეგოთ თავიანთი ვალდებულებები სხვების მიმართ და ასევე გაეგოთ საკუთარი უფლებები.
2. ქმრისთვის ვალდებულებაა უზრუნველყოს ცოლი ფინანსური ხარჯებით, ტანსაცმლით და საცხოვრებლით.
3. აკრძალულია როგორც სიტყვიერი (მორალური), ასევე ფიზიკური შეურაცხყოფა და დამცირება.
4. აკრძალული შეურაცხყოფის ერთ-ერთი ფორმაა მსგავსი სიტყვები: „შენი ტომი უღირსია“, „შენი ოჯახი ცუდია“ ან ამის მსგავსი სიტყვები.