Hadith: “Miadia amin’ireo mpanompo sampy amin'ny alàlan'ny volanareo sy ny ainareo ary ny lelanareo”

عن أنس رضي الله عنه أن النبي صلى الله عليه وسلم قال:
«جَاهِدُوا المشركين بأموالكم وأنفسكم وألسنتكم».
[صحيح] - [رواه أبو داود والنسائي وأحمد] - [سنن أبي داود: 2504]

Tatitra azo avy amin'i Anas (R.A), niteny ny Mpaminany (S.A.W) manao hoe :
“Miadia amin’ireo mpanompo sampy amin'ny alàlan'ny volanareo sy ny ainareo ary ny lelanareo”.
[Mari-pototra] - [رواه أبو داود والنسائي وأحمد] - [Sonan Abo Daòd - 2504]

Ny fanazavana

Nandidy ny jiady hanoherana ny tsy mpino ny Mpaminany (S.A.W) ary niezaha ny hiatrika azy ireo amin'ny fomba rehetra mba hahatonga ny tenin'I Allah ho ambony indrindra, ao anatin'izany :
Voalohany : Fandaniana ny vola aman-karena mba hanoherana azy ireo, avy amin'ny fividianana fitaovam-piadiana sy fanampiana ireo mpano jiady sy ny toy izany.
Faharoa : Mivoaka miaraka amin'ny vatana sy fanahy, hihaona sy hanosika azy ireo.
Fahatelo : Amin’ny fiantsoana azy ireo amin’io finoana io amin’ny teny am-bava, fametrahana porofo hanoherana azy ireo, fananarana azy ireo ary famaliana azy ireo.

Lesona azo avy amin'ny Hadith

1. Famporisihana ny jiady hanoherana ny mpanompo sampy amin'ny fanahy sy ny vola ary ny lelany; samy araka ny fahaizany, ary izany jiady izany dia tsy voafetra amin'ny ady mivantana.
2. Ny baiko hanao jiady dia voadidy, ary mety ho adidy manokana, na mety ho adidy ampy.
3. Nametrahan'I Allah lalàna ny jiady noho ny antony : Voalohany : fanoherana ny fanompoan-tsampy sy ny mpanompo sampy; satria tsy eken’I Allah velively ny fanompoan-tsampy. Faharoa : manala ireo sakana izay manakana ny olona ho any amin’I Allah. Fahatelo : miaro ny finoana amin’izay rehetra manohitra azy. Fahefatra : Fiarovana ny mpino Silamo, ny tanindrazany, ny voninahiny ary ny harenany.