हदीस: आफ्नो सम्पत्ति, ज्यान र जिब्रो (वाणी) द्वारा बहुदेववादिहरूसँग संघर्ष गर।
عن أنس رضي الله عنه أن النبي صلى الله عليه وسلم قال:
«جَاهِدُوا المشركين بأموالكم وأنفسكم وألسنتكم».
[صحيح] - [رواه أبو داود والنسائي وأحمد] - [سنن أبي داود: 2504]
المزيــد ...
अनस रजियल्लाहु अन्हुले बयान गरेका छन्, रसूल सल्लल्लाहु अलैहि वसल्लमले भन्नुभएको छ :
"आफ्नो सम्पत्ति, ज्यान र जिब्रो (वाणी) द्वारा बहुदेववादिहरूसँग संघर्ष गर।"
[सही] - - [सुनन अबी दाउद - 2504]
नबी सल्लल्लाहु अलैहि वसल्लमले काफिरहरूसँग जिहाद गर्ने र उनीहरूको सामना गर्न आफ्ना क्षमताअनुसार सबै साधन प्रयोग गर्न आदेश दिनुभएको छ, ताकि अल्लाहको वचन सर्वोच्च रहोस्। यसमा समावेश छन्:
पहिलो: काफिरहरूसँग जिहादमा धन खर्च गर्नु, जस्तै: हतियार किन्नु, मुजाहिद (जिहादमा भाग लिने व्यक्तिहरू) का लागि खर्चको व्यवस्था गर्नु, र यस्तै अन्य आवश्यकताहरूमा सहयोग प्रदान गर्नु।
दोश्रो: काफिरहरूसँग युद्ध र तिनीहरूको सामना गर्न आत्मा र शारीरिक रूपमा उपस्थित हुनु।
तेस्रो: वाणीद्वारा उनीहरूलाई इस्लामको तर्फ आमन्त्रित गर्नु, तर्क प्रस्तुत गरी तिनीहरूमाथि सत्यको प्रमाण स्थापित गर्नु, उनीहरूको गलत सोचलाई खण्डन गर्नु, र तिनीहरूलाई गलतबाट रोक्न प्रयास गर्नु।
हदीसका केही फाइदाहरू
- मानिसहरूलाई आफ्ना क्षमताअनुसार ज्यान, धन, र वाणीद्वारा बहुदेववादिहरूसँग युद्ध गर्न प्रेरित गरिएको छ। जिहाद केवल शारीरिक लडाइँमा सीमित छैन।
- जिहादको आदेश अनिवार्यता (वाजिब) का लागि छ। यसको अनिवार्यता दुई प्रकारको हुन सक्छ: व्यक्तिगत अनिवार्यता (वाजिब 'ऐनी), सामूहिक अनिवार्यता (वाजिब किफायी)।
- अल्लाहले जिहादलाई निम्न कारणहरूको लागि वैधानिक बनाउनु भएको छ: पहिलो: शिर्क र बहुदेववादिहरूसँग प्रतिरोध गर्नु, किनभने अल्लाहले शिर्कलाई कहिल्यै स्वीकार गर्नुहुन्न। दोस्रो: अवरोधहरू हटाउनु,जसले अल्लाहको मार्गतर्फको आमन्त्रण (दावत) को बाटोमा रोकावट पैदा गर्छ। तेस्रो: आस्था (अकीदा) को रक्षा गर्नु, यस्तो हरेक कुरा विरुद्ध, जुन इस्लामको सिद्धान्त र विश्वासको विरोधमा छ। चौथो: मुसलमानहरूको रक्षा गर्नु, उनीहरूको देश, इज्जत, सम्पत्ति, र जीवनको सुरक्षाका लागि।