हदीस: हरेक मादक पदार्थ 'खमर' (रक्सी) हो र हरेक नशालु पदार्थ हराम हो । जसले यस संसारमा रक्सी पिउछ र पश्चात्ताप नगरी यसको लतमा मर्छ भने ऊ परलोकमा त्यसबाट बञ्चित हुनेछ ।
عن ابن عمر رضي الله عنهما قال: قال رسول الله صلى الله عليه وسلم:
«كل مُسْكِرٍ خَمْرٌ، وكل مُسْكِرٍ حرام، ومن شرِب الخمر في الدنيا فمات وهو يُدْمِنُهَا لَمْ يَتُبْ، لَمْ يَشْرَبْهَا في الآخرة».
[صحيح] - [رواه مسلم وأخرج البخاري الجملة الأخيرة منه] - [صحيح مسلم: 2003]
المزيــد ...
अब्दुल्लाह बिन उमर (रजियल्लाहु अन्हुमा) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"हरेक मादक पदार्थ 'खमर' (रक्सी) हो र हरेक नशालु पदार्थ हराम हो । जसले यस संसारमा रक्सी पिउछ र पश्चात्ताप नगरी यसको लतमा मर्छ भने ऊ परलोकमा त्यसबाट बञ्चित हुनेछ ।"
[सही] - [मुस्लिमले वर्णन गरेका छन्] - [सही मुस्लिम - 2003]
नबी (सल्लल्लाहु अलैहि वसल्लम) ले दिमागलाई झ्याप्प पार्ने र खाएपछि केही थाहा नहुने हरेक कुरा रक्सी हो भनेर स्पष्ट पार्नुभएको छ, चाहे त्यो पिउने होस्, खाने होस्, सासद्वारा लिने होस् वा अन्य । अल्लाहले हरेक किसिमको मादक पदार्थलाई निषेध गर्नुभएको छ, चाहे त्यो अलिकति होस् वा धेरै । जसले यी नशालु पदार्थहरूमध्ये कुनै लतमा पर्छ र पश्चात्ताप नगरिकन मर्छ भने; अल्लाहले उसलाई जन्नतमा त्यसबाट वञ्चित गरेर सजाय दिनुहुनेछ ।
हदीसका केही फाइदाहरू
- मदिरालाई निषेध गर्ने कारण भनेको नशा हो । त्यसैले हरेक प्रकारको मादक पदार्थ निषेध गरिएको छ ।
- रक्सिले गर्दा पर्न गएको ठूला हानि र खराबीहरूले गर्दा अल्लाहले रक्सीलाई निषेध गर्नुभएको छ ।
- स्वर्गमा रक्सी पिउनु पूर्ण आनन्द र आशिषको संकेत हो ।
- जसले यस संसारमा रक्सी पिउन छोड्दैन, अल्लाहले उसलाई स्वर्गमा रक्सी पिउनबाट रोक लगाउनुहुनेछ, किनभने कर्म अनुसार दण्ड दिइनेछ ।
- मृत्यु अघि पापबाट पश्चात्तापमा हतार गर्न प्रोत्साहन ।