Ҳадис: Ҳар масткунандае май аст ва ҳар масткунанда ҳаром аст ва ҳар кас дар дунё май нӯшад ва дар ҳоли гирифтории он бимирад ва тавба накарда бошад, дар охират онро наменӯшад

عن ابن عمر رضي الله عنهما قال: قال رسول الله صلى الله عليه وسلم:
«كل مُسْكِرٍ خَمْرٌ، وكل مُسْكِرٍ حرام، ومن شرِب الخمر في الدنيا فمات وهو يُدْمِنُهَا لَمْ يَتُبْ، لَمْ يَشْرَبْهَا في الآخرة».
[صحيح] - [رواه مسلم وأخرج البخاري الجملة الأخيرة منه] - [صحيح مسلم: 2003]

Аз Ибни Умар (разияллоҳу анҳумо) ривоят аст, ки Паёмбар (Саллаллоҳу алайҳи ва саллам) фармуданд:
"Ҳар масткунандае май аст ва ҳар масткунанда ҳаром аст ва ҳар кас дар дунё май нӯшад ва дар ҳоли гирифтории он бимирад ва тавба накарда бошад, дар охират онро наменӯшад".
[صحيح] - - [Саҳеҳ Муслим - 2003]

Шарҳ

Паёмбар (Саллаллоҳу алайҳи ва саллам) баён намуданд, ки ҳар чизе, ки ақли одамиро хира кунад ва аз байн бибарад майи масткунанда аст, чи нӯшиданӣ бошад, чи хурданӣ ва чи бӯйиданӣ ё навъҳои дигар. Аллоҳ Таъоло ҳар он чи ақлро аз байн бибарад ҳаром сохта ва аз он наҳй кардааст, кам бошад ё зиёд. Ва ҳар касе яке аз анвоъи ин масткунандаҳоро бинӯшад ва бар ин кор мудовимат дошта бошад ва тавба накарда бимирад, сазовори ҷазои илоҳӣ аст, ки аз нӯшидани он дар биҳишт маҳрум шавад.

Аз фоидаҳои ҳадис

1. Сабаби таҳрими май, масткунанда буданаш аст. Бинобар ин, ҳар чизе, ки маст кунад - аз ҳар ҷинсе бошад - ҳаром аст.
2. Аллоҳ Таъоло майро ҳаром кардааст. Аз сабаби он ки дар он зарар ва бадиҳои бузург мавҷуд аст.
3. Шароб нӯшидан дар биҳишт нишонаи ҳаловати комил ва саодати комил аст.
4. Касе, ки дар дунё аз нӯшидани шароб даст накашад, Худованд ӯро дар биҳишт аз нӯшидани он маҳрум мекунад, пас подош аз ҷинси амал аст.
5. Ташвиқ барои оғоз кардани тавба аз гуноҳҳон пеш аз марг.