ھەدىس: ئاللاھ تائالانىڭ دەرگاھىدا دۇئادىنمۇ ئېسىل بىر نەرسە يوق

عن أبي هريرة رضي الله عنه عن النبي صلى الله عليه وسلم قال:
«لَيْسَ شَيْءٌ أَكْرَمَ عَلَى اللهِ تَعَالَى مِنَ الدُّعَاءِ».
[حسن] - [رواه الترمذي وابن ماجه وأحمد] - [سنن الترمذي: 3370]

ئەبۇ ھۈرەيرە رەزىيەللاھۇ ئەنھۇدىن بايان قىلىنغان ھەدىستە، پەيغەمبەر ئەلەيھىسسالام مۇنداق دېگەن:
«ئاللاھ تائالانىڭ دەرگاھىدا دۇئادىنمۇ ئېسىل بىر نەرسە يوق».
[ھەسەن(ھەدىسنى سەھىھ قىلىدىغان تۆت شەرتى تولۇق بولۇپ بەشىنچى شەرتىدە مەسىلە بولسا ھەسەن بولىدۇ)] - [رواه الترمذي وابن ماجه وأحمد] - [سۈنەن تىرمىزى - 3370]

شەرھىسى

بۇ ھەدىستە پەيغەمبەرئەلەيھىسسالام، ئىبادەتلەرنىڭ ئېچىدە ئاللاھنىڭ نەزىرىدە دۇئادىنمۇ ئەۋزەلراق بىر ئىبادەتنىڭ يوق ئىكەنلىكىنى بايان قىلىپ بەردى. چۈنكى دۇئادا ئاللاھ تائالانىڭ ھەممىدىن بىھاجەت ۋە ئالى ئىكەنلىكى، بەندىنىڭ ئاجىز، ھەر ۋاقىت ئاللاھقا ئېھتىياجلىق ئىكەنلىكى ئېتىراپ قىلىنىدۇ.

ھەدىسنىڭ پايدىلىرىدىن

1. دۇئانىڭ پەزىلىتى: ئاللاھقا دۇئا قىلغان كىشى ئاللاھنى ئۇلۇغلايدۇ. ئاللاھ تائالانىڭ ھەممىدىن بىھاجەت ئىكەنلىكىنى ئىقرار قىلىدۇ. ھاجەتمەندىن بىر نەرسە سورالمايدۇ، ئاللاھ ئاڭلىغۇچىدۇر، پاڭدىن -گاستىن بىر نەرسە سورالمايدۇ. ئاللاھ سېخىدۇر، بىخىلدىن بىر نەرسە سورالمايدۇ. ئاللاھ بەك مېھرىباندۇر، رەھىمسىز كىشىدىن بىر نەرسە سورالمايدۇ، ئاللاھ ھەممىگە قادىردۇر، ئاجىز بولغاندىن بىر نەرسە سورالمايدۇ. ئاللاھ تائالا ھەممىدىن يېقىندۇر، يىراقتىكى كىشى ئاڭلىمايدۇ. ئۇنىڭدىن باشقا بۈيۇك ئاللاھ تائالانىڭ ئۇلۇغلۇق ۋە گۈزەللىكىگە دالالەت قىلىدىغان سۈپەتلىرى مەۋجۇتتۇر.