حدیث: میں نے رسول اللہ ﷺ سے اچانک پڑ جانے والی نظر کے بارے میں پوچھا، تو آپ ﷺ نے فرمایا: اپنی نظر کو پھیر لو۔
عن جَرير رضي الله عنه قال: سألت رسول الله صلى الله عليه وسلم عن نظر الفَجْأَةِ فقال: «اصْرِف بَصَرك».
[صحيح] - [رواه مسلم]
المزيــد ...
جریر رضی اللہ عنہ کہتے ہیں کہ میں نے رسول اللہ ﷺ سے اچانک پڑ جانے والی نظر کے بارے میں پوچھا، تو آپ ﷺ نے فرمایا: ”اپنی نظر کو پھیر لو“۔
[صحیح] - [اسے امام مسلم نے روایت کیا ہے۔]
جریر بن عبد اللہ رضی اللہ عنہ بتا رہے ہیں کہ انہوں نے نبی ﷺ سے اچانک پڑ جانے والی نظر کے بارے سوال کیا۔ اچانک پڑ جانے والی نظر سے مراد یہ ہے کہ مثلا انسان کے سامنے سے عورت کا گزر ہو اور وہ اس کی طرف اچانک بلا ارادہ دیکھ لے۔ اس کے بارے میں نبی ﷺ نے فرمایا کہ اپنی نظر پھیر لو۔ یعنی اسے دائیں یا بائیں طرف ہٹا لو، تا کہ تاک کر دیکھنے کی وجہ سے تم گناہ گار نہ ہو جاؤ۔
مزید ۔ ۔ ۔
- حدیث: پانچوں نمازیں، ایک جمعہ دوسرے جمعہ تک اور ایک رمضان دوسرے رمضان تک اپنے مابین سرزد ہونے والے گناہوں کا کفارہ بن جاتے ہیں، بشرطے کہ کبیرہ گناہوں سے اجتناب کیا جائے۔
- حدیث: حلال واضح ہے اور حرام بھی واضح اور ان کے درمیان کچھ مشتبہ چیزیں ہیں، جنہیں بہت سے لوگ نہیں جانتے (کہ حلال ہیں یا حرام) پھر جو شخص ان مشتبہ چیزوں سے بچا اس نے اپنے دین اور عزت کو بچا لیا اور جو ان میں پڑ گیا وہ حرام میں پڑ گیا۔
- حدیث: کچھ لوگ اللہ کے مال میں ناحق تصرف کرتے ہیں۔ چنانچہ ایسے لوگوں کے لیے قیامت کے دن جہنم ہے۔
- حدیث: مرنے والوں کو برا مت کہو؛ کیوں کہ جو اعمال انھوں نے آگے بھیجے، وہ ان تک پہنچ چکے ہیں۔
- حدیث: کسی مسلمان کے لیے جائز نہیں کہ وہ تین راتوں سےزیادہ اپنے بھائی سے قطعِ تعلقی رکھے بایں طور کہ ان کا آمنا سامنا ہو تو وہ ایک دوسرے سے منہ موڑ لیں۔ ان میں سے بہتر وہ ہے جو سلام میں پہل کر لے۔
- حدیث: قطع رحمی کرنے والا جنت میں داخل نہیں ہو گا۔
- حدیث: اللہ تعالیٰ کے نزدیک سب سے زیادہ ناپسنديده وہ آدمی ہے جو سخت جھگڑالو ہو۔