Hadithi: Nabajije Intumwa y'Imana (Imana iyihe amahoro n'imigisha) ku byerekeranye no kureba ibiziririjwe mu buryo butunguranye, integeka ko nzajya ndeba ku ruhande

عَنْ جَرِيرِ بْنِ عَبْدِ اللهِ رَضيَ اللهُ عنه قَالَ:
سَأَلْتُ رَسُولَ اللهِ صَلَّى اللهُ عَلَيْهِ وَسَلَّمَ عَنْ نَظَرِ الْفُجَاءَةِ فَأَمَرَنِي أَنْ أَصْرِفَ بَصَرِي.
[صحيح] - [رواه مسلم] - [صحيح مسلم: 2159]

Hadith yaturutse kwa Djarir Ibun Abdillah (Imana imwishimire) yaravuze ati:
Nabajije Intumwa y'Imana (Imana iyihe amahoro n'imigisha) ku byerekeranye no kureba ibiziririjwe mu buryo butunguranye, integeka ko nzajya ndeba ku ruhande.
[Hadithi y'impamo] - [Yakiriwe na Muslim] - [Swahih Muslim - 2159]

Ibisobanuro birambuye.

Djarir Ibun Abdillah (Imana imwishimire) yabajije Intumwa y'Imana (Imana iyihe amahoro n'imigisha) ku bijyanye no kuba umugabo yareba umugore aziruriwe kurongora mu buryo butunguranye atari abigambiriye? Nuko Intumwa y'Imana (Imana iyihe amahoro n'imigisha) imutegeka ko agomba guhindukiza uburanga bwe akareba mu rundi ruhande kuva akibimenya, ndetse icyo gihe nta cyaha abarwaho.

Zimwe mu nyungu dukura muri Hadithi.

1. Gushishikariza kubika indoro (amaso).
2. Kwihanangiriza guhoza ijisho ku byaziririjwe, iyo ijisho ribiguyeho bitagambiriwe.
3. Harimo itegeko ryo kubuza kureba abagore byariho no ku gihe cy'abasangirangendo kubera imvugo ivuga ko Djarir (Imana imwishimire) yabajije Intumwa y'Immana (Imana iyihe amahoro n'imigisha) umuntu ijisho rye ryareba umugore atari abigambiriye; ese itegeko rimureba ni nk'iry'uwamurebye abigambiriye?
4. Harimo kugaragaza uburyo amategeko y'idini yitaye ku nyungu z'abagaragu, aho yababujije kureba abagore kubera ingaruka mbi zabyo hano ku isi ndetse no ku munsi w'imperuka.
5. Abasangirangendo b'Intumwa y'Imana (Imana iyihe amahoro n'imigisha) bagarukaga ku Ntumwa y'Imana (Imana iyihe amahoro n'imigisha) ndetse bakayibaza ibibagoye; ni nk'uko n'abandi basigaye bakwiye kugaruka ku bamenyi babo bakababaza ibibagoye.