Ҳадис: Расули Худо (саллаллоҳу алайҳи ва саллам) дар даҳаи охири моҳи Рамазон барои ибодат чунон кӯшиш ва ҷидду ҷаҳд мекарданд, ки дар ғайри он чунин кӯшише намекарданд

عَنْ عَائِشَةَ أُمِّ المؤْمِنينَ رَضِيَ اللهُ عَنْهَا:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يَجْتَهِدُ فِي الْعَشْرِ الْأَوَاخِرِ مَا لَا يَجْتَهِدُ فِي غَيْرِهِ.
[صحيح] - [رواه مسلم] - [صحيح مسلم: 1175]

Аз Оиша Модари муъминон (разияллоҳу анҳо) ривоят аст, ки гуфт:
Расули Худо (саллаллоҳу алайҳи ва саллам) дар даҳаи охири моҳи Рамазон барои ибодат чунон кӯшиш ва ҷидду ҷаҳд мекарданд, ки дар ғайри он чунин кӯшише намекарданд.
[Саҳеҳ] - [رواه مسلم] - [Саҳеҳ Муслим - 1175]

Шарҳ

Паёмбари акрам (саллаллоҳу алайҳи ва саллам) вақте ки даҳаи охири моҳи Рамазон фаро мерасид, дар ибодат ва тоат бисёр ҷидду ҷаҳд мекарданд ва дар анҷом додани корҳои хайр ва навъҳои гуногуни ибодат бештар аз ҳар вақти дигар кӯшиш менамуданд. Ин ҳама барои бузургӣ ва фазилати ин шабҳо ва ҷустуҷӯи шаби қадр буд.

Аз фоидаҳои ҳадис

1. Ташвиқ ба анҷоми амалҳои нек ва ибодатҳои гуногун дар моҳи Рамазон умуман ва махсусан дар даҳ рӯзи охири он.
2. Даҳ рӯзи охири Рамазон аз шаби бисту якум оғоз мешавад то поёни моҳ.
3. Ғанимат шумурдани рӯзҳои арзишманд бо анҷом додани ибодатҳо мустаҳаб аст.