ဟဒီးဆ်: မည်သူမဆိုလက်ထပ်နိုင်စွမ်းရှိပါက လက်ထပ်ထိမ်းမြားလိုက်ပါ။ အဘယ်ကြောင့်ဆိုသော နိကာဟ် ထိမ်းမြားခြင်းသည် မျက်လွှာကို (ဟရာမ်တားမြစ်ထားသည့်အရာများမှ) အလွန်ပင်ထိန်းသိန်း ပေးသည်။ အရှက်အင်္ဂါကို (မကောင်းမှုမှ) အလွန်ပင်ထိန်းသိမ်းပေးသည်။ လက်ထပ်နိုင်စွမ်းမရှိသူသည် ဆောင်မ် ဥပုသ်စောင့်ပါ။ အဘယ့်ကြောင့်ဆိုသော် ဆောင်မ် ဥပုသ်စောင့်ခြင်းသည် ရာဂစိတ်ထကြွမှုကိုလျော့ကျစေသည်။

عَن عَبْدِ اللَّهِ بنِ مَسْعُودٍ رَضِيَ اللَّهُ عَنْهُ قَالَ: كُنَّا مَعَ النَّبِيِّ صَلَّى اللهُ عَلَيْهِ وَسَلَّمَ، فَقَالَ:
«مَنِ اسْتَطَاعَ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ».
[صحيح] - [متفق عليه] - [صحيح البخاري: 1905]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗ်ဒွလ္လာဟ်ဗင်န်မတ်စ်အူဒ်(ရဿွိယလ္လာဟုအန်ဟု)က ဆင့်ပြန်သည်။ ကျွန်တော်တို့သည် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)နှင့်အတူရှိနေစဉ် ကိုယ်တော်ကမိန့်တော်မူသည်မှာ
မည်သူမဆိုလက်ထပ်နိုင်စွမ်းရှိပါက လက်ထပ်ထိမ်းမြားလိုက်ပါ။ အဘယ်ကြောင့်ဆိုသော နိကာဟ် ထိမ်းမြားခြင်းသည် မျက်လွှာကို (ဟရာမ်တားမြစ်ထားသည့်အရာများမှ) အလွန်ပင်ထိန်းသိန်း ပေးသည်။ အရှက်အင်္ဂါကို (မကောင်းမှုမှ) အလွန်ပင်ထိန်းသိမ်းပေးသည်။ လက်ထပ်နိုင်စွမ်းမရှိသူသည် ဆောင်မ် ဥပုသ်စောင့်ပါ။ အဘယ့်ကြောင့်ဆိုသော် ဆောင်မ် ဥပုသ်စောင့်ခြင်းသည် ရာဂစိတ်ထကြွမှုကိုလျော့ကျစေသည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح البخاري - 1905]

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က လက်ထပ်နိုင်စွမ်းရှိသောသူ၊ ထိမ်းမြားရန်လိုအပ်သော ကုန်ကျစရိတ်ကို တက်စွမ်းနိုင်သူကိုလက်ထပ်ရန်တိုက်တွန်းခဲ့သည်။ ဤသည် မိမိ၏အရှူကို ဟရာမ်တားမြစ်ထားသောအရာမှ အလွန်ပင်ထိန်းသိန်းပေးသည့်အပြင် မိမိ၏အရှက်အင်္ဂါကိုလည်း အလွန်ပင်ကာကွယ်ပေးပြီး စက်ဆုပ်ရွံရှာဖွယ်ရာများ၌ကျရောက်ခြင်းမှအလွန်ပင်တားမြစ်ပေးသည်။ ပေါင်းသင်းဆက်ဆံရန်တတ်စွမ်းနိုင်သော်လည်း နိကာဟ်ထိမ်းမြားရန်အတွက် ကုန်ကျစရိတ်မတတ်စွမ်းနိုင်သူသည် ဆောင်မ်ဥပုသ်ဆောင့်ရမည်။ အဘယ့်ကြောင့်ဆိုသော် ဆောင်မ်ဥပုသ်ဆောင့်ခြင်းသည် ရာဂစိတ်နှင့်သုက်ရည်၏ဆိုးကျိုးမှပြတ်တောက်စေသည်။

ဟဒီးဆ်မှ သိမှတ်ဖွယ်ရာများ

1. အစ္စလာမ်သာသနာသည် ကာယိန္ဒြေထိန်းသိမ်းနိုင်မည့်အကြောင်းတရားများနှင့်စက်ဆုပ်ရွံရှာဖွယ်ရာများမှကင်းရှင်းစေရန် အလိုရမက်ထားသည်။
2. ဆောင်မ်ဥပုသ်ဆောင့်ခြင်းသည် ရာဂစိတ်ကို လျော့ကျစေသောကြောင့် နိကာဟ်ထိမ်းမြားရန်အတွက် ကုန်ကျစရိတ်မတတ်စွမ်းနိုင်သူအား ဆောင်မ်ဥပုသ်ဆောင့်ရန် တိုက်တွန်းထားသည်။
3. ဟဒီးဆ်တော်၌ဆောင်မ်ဥပုသ်စောင့်ခြင်းသည် ရာဂစိတ်ထကြွမှုကို လျော့ကျစေသည်ဟု ဖော်ပြထားသည်။ သို့ဖြစ်ရာ ဆောင်မ်နှင့် ဝိဂျာအ် ရာဂစိတ်ထကြွမှုကို လျော့ကျစေခြင်းတို့ ပတ်သက်နေသည့်ပုံစံမှာ ဝိဂျာအ်ဟူသည် ဝှေးစေ့၏သွေးကြောများကို ဖိညှပ်ခြင်းဖြင့် လိင်စိတ်ပျောက်ကွယ်သွား‌အောင်ပြု၍လိင်သဘာဝကို မြုံအောင်သင်းလိုက်ခြင်းဖြစ်ပြီး ဆောင်မ်သည် လိင်စိတ်ထကြွမှုကို လျော့ကျစေခြင်းဖြစ်သည်။ ဤသို့ဖြင့် ဝိဂျာအ်နှင့်ဆောင်မ်နှစ်ခုစလုံးသည် ရာဂစိတ်ထကြွမှုကိုလျော့ကျစေခြင်း၌တူညီသွားသည်။