عن عبد الله بن مسعود -رضي الله عنه- مرفوعاً: «يا معشر الشباب، من استطاع منكم الباءة فليتزوج؛ فإنه أغض للبصر، وأحصن للفرج، ومن لم يستطع فعليه بالصوم؛ فإنه له وِجَاءٌ».
[صحيح.] - [متفق عليه.]
المزيــد ...

Ayon kay `Abdullāh bin Mas`ūd, malugod si Allāh sa kanya: "O pulutong ng mga kabataan, ang sinumang makakakaya sa inyong magpamilya ay mag-asawa sapagkat tunay na ito ay higit na pumipigil sa [bawal na] tingin at higit na nangangalaga laban sa pangangalunya. Ang sinumang hindi makakakaya, kailangan sa kanya ang pag-aayuno sapagkat tunay na ito ay may pampigil."
[Tumpak] - [Napagkaisahan ang katumpakan]

Ang pagpapaliwanag

Yayamang ang paglayo at ang pag-iwas sa pangangalunya ay tungkulin, ang kasalungatan ng dalawang ito ay ipinagbabawal na naisasagawa ng tindi ng pagnanasa kasabay ng kahinaan ng pananampalataya, at ang kabataan ay pinakamatindi sa pagnanasa, kaya naman kinausap sila ng Propeta, pagpalain siya ni Allāh at pangalagaan, bilang gumagabay sa kanila tungo sa daan ng kabinihan. Iyon ay kapag nagkaroon ang sinuman sa kanila ng maitutustos sa pag-aasawa tulad ng bigay-kaya, panggugol, at tirahan ay mag-asawa siya dahil ang pag-aasawa ay pumipigil sa paningin sa bawal na pagtingin at nangangalaga sa sarili laban sa mga kahalayan. Inudyukan niya ang sinumang hindi makakakaya sa kanila sa pagtutustos sa pag-aasawa, gayong siya ay nanabik doon, na mag-ayuno sapagkat ito ay may dulot na gantimpala, pagpigil sa sa pagnanasa sa pakikipagtalik, at pagpapahina sa pagnanasa dahil sa pagtigil sa pagkain at pag-inom kaya naman hihina ang kaluluwa at mababarahan ang mga daluyan ng dugo na nilulusutan ng demonyo. Kaya naman ang pag-aayuno ay nakababasag ng pagnanasa gaya ng pagputol ng ugat ng dalawang itlog ng lalaki na nagdudulot ng punlay at pumupukaw sa pagnanasa.

Ang Salin: Ang Balarila ng Wikang Ingles Ang Wikang Pranses Ang Wikang Espanyol Ang Wikang Turko Ang Wikang Urdu Ang Wikang Indonesiyano Ang Wikang Bosniyo Ang Wikang Ruso Ang Wikang Bangla Ang Wikang Tsino Ang Wikang Persiyano الهندية السنهالية الأيغورية الكردية الهوسا البرتغالية
Paglalahad ng mga salin
Donate