Hadithi: “Allahu solli një shembull: një rrugë të drejtë

عَنْ النَّوَّاسِ بْنِ سَمْعَانَ الْأَنْصَارِيِّ رضي الله عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«ضَرَبَ اللهُ مَثَلًا صِرَاطًا مُسْتَقِيمًا، وَعَلَى جَنْبَتَيْ الصِّرَاطِ سُورَانِ، فِيهِمَا أَبْوَابٌ مُفَتَّحَةٌ، وَعَلَى الْأَبْوَابِ سُتُورٌ مُرْخَاةٌ، وَعَلَى بَابِ الصِّرَاطِ دَاعٍ يَقُولُ: أَيُّهَا النَّاسُ، ادْخُلُوا الصِّرَاطَ جَمِيعًا، وَلَا تَتَعَرَّجُوا، وَدَاعٍ يَدْعُو مِنْ فَوْقِ الصِّرَاطِ، فَإِذَا أَرَادَ يَفْتَحُ شَيْئًا مِنْ تِلْكَ الْأَبْوَابِ، قَالَ: وَيْحَكَ لَا تَفْتَحْهُ، فَإِنَّكَ إِنْ تَفْتَحْهُ تَلِجْهُ، وَالصِّرَاطُ الْإِسْلَامُ، وَالسُّورَانِ: حُدُودُ اللهِ، وَالْأَبْوَابُ الْمُفَتَّحَةُ: مَحَارِمُ اللهِ، وَذَلِكَ الدَّاعِي عَلَى رَأْسِ الصِّرَاطِ: كِتَابُ اللهِ، وَالدَّاعِي مِنِ فَوْقَ الصِّرَاطِ: وَاعِظُ اللهِ فِي قَلْبِ كُلِّ مُسْلِمٍ».
[صحيح] - [رواه الترمذي وأحمد] - [مسند أحمد: 17634]

Nevas ibn Seman Ensariu (Allahu qoftë i kënaqur me të!) tregon se i Dërguari i Allahut ﷺ ka thënë:
“Allahu solli një shembull: një rrugë të drejtë, në të dyja anët e kësaj rruge janë dy mure, në të cilat ka dyer të hapura e në çdo derë ka perde të lëshuara dhe në derën hyrëse të rrugës është një thirrës, i cili thotë: “O njerëz, të gjithë hyni në rrugë dhe mos lakoni!” Dhe një thirrës thërret nga brendia e rrugës e, kur të dëshirojë ta hapë ndonjërën prej atyre dyerve, thotë: "Mjerë ti! Mos e hap, se, po e hape, do të hysh në të. Rruga e drejtë është Islami, ndërsa dy muret janë kufijtë e Allahut të Lartësuar. Dyert e hapura janë ndalesat e Allahut të Lartësuar. E ai thirrësi në krye të rrugës është Libri i Allahut të Lartmadhërishëm, ndërsa thirrësi mbi rrugë është këshilluesi i Allahut në zemrën e çdo muslimani.”
[Ky hadith është sahih] - [رواه الترمذي وأحمد] - [Musnedi i Ahmedit - 17634]

Shpjegimi

Profeti ﷺ në këtë hadith e sqaroi se Allahu e dha shembull Islamin me rrugën e drejtë e të zgjatur, që nuk ka shtrembërime në të, dhe të dy anët e kësaj rruge i rrethojnë dy mure nga të dyja anët dhe këta të dy janë kufijtë e Allahut. Në mes këtyre dy mureve ka dyer të hapura, të cilat janë ndalesat e Allahut. Mbi ato dyer ka perde, që nuk ia shfaqin kalimtarit të asaj rruge kush është brenda tyre. Në fillim të rrugës është një thirrës që i drejton dhe i udhëzon njerëzit duke u thënë: "Ecni mbi të, pa anuar nga skajet dhe anët!" Ky thirrës është Libri i Allahut. Është edhe një thirrës tjetër nga sipër rrugës; ky thirrës është i atillë, që, sa herë që një njeri ecën në rrugë dhe dëshiron të hapë një pjesë të vogël të perdeve të atyre dyerve, ai e qorton duke i thënë: "Mjerë ti, mos e hap! Nëse e hap, do të hysh në të dhe nuk do të mund ta frenosh veten nga hyrja në të! Ky thirrës është këshilluesi i Allahut në zemrën e çdo muslimani."

Mësime nga hadithi

1. Islami është feja e vërtetë dhe është rruga e drejtë që na shpie në Xhenet.
2. Është obligim t'u përmbahemi kufijve të Allahut dhe asaj që e ka lejuar dhe ndaluar (Ai) dhe se pakujdesia ndaj tyre çon drejt shkatërrimit.
3. Vlera e Kuranit të Madhëruar dhe inkurajimi për të vepruar sipas tij, sepse ai përmban udhëzimin, dritën dhe suksesin.
4. Mëshira e Allahut ndaj robërve të Tij dhe ajo që Ai ka vendosur në zemrat e besimtarëve, gjë që i pengon dhe i këshillon të mos bien në vendshkatërrime.
5. Allahu me mëshirën e Tij ka krijuar pengesa për robërit e Tij, që i parandalojnë ata të mos bien në mëkate.
6. Një prej mjeteve të mësimdhënies është sjellja e shembujve, për ta përafruar dhe sqaruar çështjen.