Hadith: ((هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا ئاخڤتنا خێرێ بكه‌ت یان ژی بلا بێده‌نگ بیت

عن أبي هريرة رضي الله عنه عن رسول الله صلى الله عليه وسلم قال:
«مَنْ كَانَ يُؤْمِنُ بِاللهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ، وَمَنْ كَانَ يُؤْمِنُ بِاللهِ وَالْيَوْمِ الْآخِرِ فَلْيُكْرِمْ جَارَهُ، وَمَنْ كَانَ يُؤْمِنُ بِاللهِ وَالْيَوْمِ الْآخِرِ فَلْيُكْرِمْ ضَيْفَهُ».
[صحيح] - [متفق عليه] - [صحيح مسلم: 47]

ژ ئه‌بو هورەیرەى (خودێ ژێ ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت:
((هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا ئاخڤتنا خێرێ بكه‌ت یان ژی بلا بێده‌نگ بیت، هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا قه‌درێ جیرانێ خۆ بگریت، هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا قه‌درێ مێهڤانێ خۆ بگریت)).
[صحيح] - [متفق عليه] - [صحيح مسلم - 47]

Explanation

پێغەمبەرێ خودێ (صەلات و سەلامێن خودێ ل سەر بن) دیار کر کو عەبدێ باوەردار ب خودێ و ڕۆژا دویماهیكێ یێ کو ڤەگەراندنا وی بۆ وێیە و تێدا ل دویڤ کریارا وی دێ هێتە جزادان، باوەرییا وی؛ وی ل سەر ئەنجامدانا ڤان خه‌سله‌تان هانددەت:
یا ئێکێ: ئاخڤتنا باش: ژ تەسبیح (گۆتنا: سبحان الله) و تەهلیلێ (گۆتنا: لا إله إلا الله)، و فەرمانكرنا ب باشییێ و پاشڤه‌برنا ژ خرابییێ و پێكئینانا د ناڤبەرا خەلکیدا، ڤێجا ئەگەر مرۆڤی ئه‌ڤ چه‌نده‌ نه‌كر؛ هنگی بلا بێدەنگ بیت و نه‌خۆشییێ بۆ خه‌لكی دروست نه‌كه‌ت و بلا ئه‌زمانێ خۆ ژ ئه‌زیه‌تدانا خه‌لكی بپارێزیت.
یا دووێ: ڕێزگرتن ل جیرانی: ب باشیكرنا د گه‌ل وی و نه‌خۆشی دروستنه‌كرنا بۆ وی.
یا سێیێ: ڕێزگرتن ل وی مێهڤانێ هاتییه‌ سەرا تە: ب ئاخڤتنا خۆش و پێشكێشكرنا خوارنێ و تشتێن هوسا.

Benefits from the Hadith

1. باوەری ب خودێ و ڕۆژا دویماهیكێ بنیات و بناخه‌یه‌ بۆ هەر خێرەکا هه‌بیت، و مرۆڤی هانددەت ل سەر كارێن باش.
2. هشیاركرن ژ خرابییێن ئه‌زمانی.
3. دینێ ئیسلامێ دینێ ڤێككرن و دگه‌ل ئێك كه‌هيبوون و مه‌ردینی و باشییێیه‌.
4. ئەڤ خه‌سله‌ته‌ ژ پشکێن باوەرییێنە و ژ تۆڕه‌ و ئادابێن باشن.
5. گه‌له‌ك ئاخڤتن دبیت سه‌ربكێشیته‌ تشتێن نه‌باش یان حه‌رام، سەلامەتى و پاراستن ژی یا د نەئاخڤتنێدا، ئه‌گه‌ر ئه‌ڤ ئاخڤتنه‌ بۆ گۆتنا خێر و باشییێ نه‌بیت.