Hadith: ((هه‌ر كه‌سێ نڤێژا سپێدێ بكه‌ت؛ یێ دناڤ زيمه‌ت و پاراستنا خودێدا

عن جُندب بن عبد الله القَسْرِِي رضي الله عنه قال: قال رسول الله صلى الله عليه وسلم:
«مَنْ صَلَّى صَلَاةَ الصُّبْحِ فَهُوَ فِي ذِمَّةِ اللهِ، فَلَا يَطْلُبَنَّكُمُ اللهُ مِنْ ذِمَّتِهِ بِشَيْءٍ، فَإِنَّهُ مَنْ يَطْلُبْهُ مِنْ ذِمَّتِهِ بِشَيْءٍ يُدْرِكْهُ، ثُمَّ يَكُبَّهُ عَلَى وَجْهِهِ فِي نَارِ جَهَنَّمَ».
[صحيح] - [رواه مسلم] - [صحيح مسلم: 657]

ژ جوندووبێ كوڕێ عه‌بدولڵاهێ قه‌سری (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((هه‌ر كه‌سێ نڤێژا سپێدێ بكه‌ت؛ یێ دناڤ زيمه‌ت و پاراستنا خودێدا، ڤێجا هشیاری هندێ بن خودێ داخوازا تشته‌كی ژ زيمه‌ت و پاراستنا خۆ ژ هه‌وه‌ بكه‌ت، چونكی هه‌ر كه‌سێ خودێ داخوازا تشته‌كی ژ زيمه‌ت و پاراستنا خۆ ژێ بكه‌ت؛ دێ ڤێڕا گه‌هیت، پاشی دێ وی كه‌سی ل سه‌ر ڕویێ وی ڕاخشینیته‌ ناڤ ئاگرێ جه‌هنه‌مێ)).
[صحيح] - [رواه مسلم] - [صحيح مسلم - 657]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر كه‌سێ نڤێژا سپێدێ بكه‌ت؛ ئه‌و كه‌س یێ ل بن پاراستن و زێره‌ڤانی و چاڤدێرییا خودێ، خودێ دێ به‌ڕه‌ڤانییێ ژ وی كه‌سی كه‌ت و دێ وی كه‌سی بسه‌ر ئێخیت.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) هشیاركرن ژ هندێ كر مرۆڤ ڤێ په‌یمانێ بشكێنیت و به‌تال بكه‌ت، ڤێجا چ ب هێلان و نه‌كرنا نڤێژا سپێدێ بیت، یان ژی ب نه‌خۆشی گه‌هاندن و ده‌ستدرێژیكرنا سه‌ر نڤێژكه‌ران بیت، چونكی هه‌ر كه‌سێ ڤێ چه‌ندێ بكه‌ت؛ ئه‌ڤه‌ وی ئه‌ڤ په‌یمانه‌ شكاند و هه‌لوه‌شاند و خۆ ژ هه‌ژی گه‌فا دژوار كر كو ئه‌و ژی ئه‌ڤه‌یه‌ خودێ دێ داخوازا وی تشتی ژێ كه‌ت یێ وی كه‌سی د وی تشتیدا خه‌مساری د ده‌رحه‌قێ خودێدا كری، هه‌ر كه‌سێ خودێ داخوازێ ژێ بكه‌ت ژی؛ دێ ڤێڕا گه‌هیت و پاشی دێ ل سه‌ر ڕویێ وی ڕاخشینیته‌ ناڤ ئاگرێ جه‌هنه‌مێ.

Benefits from the Hadith

1. دياركرنا گرنگییا نڤێژا سپێدێ و قه‌در و بها و خێرا وێ.
2. هشیاركرنه‌كا دژوار ژ نه‌خۆشی دروستكرن و زیان گه‌هاندنا ب وی كه‌سێ نڤێژا سپێدێ كری.
3. تۆلڤه‌كرنا خودایێ مه‌زن ژ وی كه‌سێ نه‌خۆشی و زیانێ دگه‌هینیته‌ عه‌بدێن وی یێن باش.