ഹദീസ്: ആരെങ്കിലും സുബഹി നമസ്കാരം നിർവ്വഹിച്ചാൽ അവൻ അല്ലാഹുവിൻ്റെ സംരക്ഷണത്തിലായിരിക്കും. അതിനാൽ തന്റെ ബാധ്യതയുടെ കാര്യത്തിൽ അല്ലാഹു നിങ്ങളെ പിടികൂടാൻ ഇടയാകരുത്.
عن جندب بن عبد الله رضي الله عنه قال: قال رسول الله صلى الله عليه وسلم : «مَنْ صَلَّى صلاةَ الصُّبْحِ فهو في ذِمَّةِ اللهِ فلا يَطْلُبَنَّكُمُ اللهُ مِنْ ذِمَّتِهِ بِشَيْءٍ، فَإِنَّهُ مَنْ يَطْلُبْهُ مِنْ ذِمَّتِهِ بِشَيْءٍ يُدْرِكْهُ، ثُمَّ يَكُبُّهُ على وَجْهِهِ في نَارِ جَهَنَّمَ».
[صحيح] - [رواه مسلم]
المزيــد ...
ജുൻദുബ് ബ്നു അബ്ദില്ല -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആരെങ്കിലും സുബഹി നമസ്കരിച്ചാൽ അവൻ അല്ലാഹുവിന്റെ സംരക്ഷണത്തിലായിരിക്കും. അതിനാൽ തന്റെ ബാധ്യതയുടെ കാര്യത്തിൽ അല്ലാഹു നിങ്ങളെ പിടികൂടാൻ ഇടയാകരുത്. തിർച്ചയായും ആരുടെയെങ്കിലും ബാധ്യതയെ അല്ലാഹു ചോദ്യം ചെയ്താൽ അവനെ പിടികൂടി നരകത്തിലേക്ക് മുഖം കുത്തി എറിയുന്നതാണ്."
സ്വഹീഹ് - മുസ്ലിം ഉദ്ധരിച്ചത്
ആരെങ്കിലും സുബഹി നമസ്കരിച്ചാൽ അവൻ അല്ലാഹുവിൻ്റെ സംരക്ഷണത്തിൽ പ്രവേശിച്ചിരിക്കുന്നു. ഒരാളും തന്നെ ഉപദ്രവിക്കരുതെന്ന് അല്ലാഹുവുമായി കരാറിലേർപ്പെട്ട ഒരുവനെ പോലെയാണ് അവൻ. അതിനാൽ അവനെ ഉപദ്രവിക്കുക എന്നത് ആർക്കും അനുവദനീയമല്ല. കാരണം അവനെ ഉപദ്രവിക്കുന്നത് യഥാർത്ഥത്തിൽ അല്ലാഹുവിനോടുള്ള ധിക്കാരവും, സുബഹി നമസ്കരിച്ച ഈ വ്യക്തിക്ക് അല്ലാഹു നൽകിയ അവൻ്റെ സംരക്ഷണത്തെ തകർക്കാൻ ശ്രമിക്കലുമാണ്. ആരെങ്കിലും അല്ലാഹുവിൻ്റെ കരാർ നശിപ്പിക്കാനും, അവനോട് ധിക്കാരം പുലർത്താനും തുനിഞ്ഞാൽ അവൻ അല്ലാഹുവിനോട് യുദ്ധം പ്രഖ്യാപിച്ചത് പോലെയാണ്. തൻ്റെ സംരക്ഷണത്തിലും സുരക്ഷയിലുമായിരിക്കെ ഒരാളെ ഉപദ്രവിച്ചവനിൽ നിന്ന് അല്ലാഹു പ്രതികാരമെടുക്കുന്നതാണ്.
ഹദീഥിൻ്റെ പാഠങ്ങളിൽ നിന്ന്
- * സുബഹി നമസ്കാരത്തിൻ്റെ ശ്രേഷ്ഠതയും അതിൻ്റെ മഹത്വവും.
- * സുബഹി നമസ്കരിച്ചവനെ ഉപദ്രവിക്കുന്നതിൽ നിന്നുള്ള ശക്തമായ താക്കീത്.
- * അല്ലാഹുവിൻ്റെ അതിർവരമ്പുകളും അവൻ പവിത്രത കൽപ്പിച്ചവയും ഒരാൾ ശ്രദ്ധിച്ചാൽ അല്ലാഹു അവനെ സംരക്ഷിക്കാനും സഹായിക്കാനും അത് കാരണമായി തീരും.
വിഭാഗങ്ങൾ
കൂടുതൽ
- ഹദീസ്: "കപടവിശ്വാസികൾക്ക് ഏറ്റവും ഭാരമുള്ള നമസ്കാരം ഇശാ നമസ്കാരവും ഫജ്ർ (സുബ്ഹ്) നമസ്കാരവുമാണ്. അതിലുള്ള (പ്രതിഫലത്തിൻ്റെ മഹത്വം) അവർ അറിഞ്ഞിരുന്നെങ്കിൽ മുട്ടിലിഴഞ്ഞു കൊണ്ടെങ്കിലും അവരതിന് വന്നെത്തുമായിരുന്നു. നമസ്കാരം നിർവ്വഹിക്കാൻ കൽപ്പന നൽകുകയും, അങ്ങനെ ഇഖാമത്ത് കൊടുത്തതിന് ശേഷം ജനങ്ങൾക്ക് ഇമാമായി നിസ്കരിക്കാൻ ഒരാളോട് കൽപ്പിക്കുകയും, ശേഷം വിറകുകെട്ടുകൾ ചുമക്കുന്ന കുറച്ചു പേരെയും കൂട്ടി നമസ്കാരത്തിന് വന്നെത്താത്തവരിലേക്ക് ചെല്ലുകയും, അവരെ അവരുടെ വീടുകളോടെ കത്തിച്ചു കളയുകയും ചെയ്യാൻ ഞാൻ വിചാരിച്ചു പോയി."
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ഫർദുകളിൽ മാത്രം മതിയാക്കൽ.
- ഹദീസ്: ശുദ്ധി വരുത്തൽ ഈമാനിൻ്റെ പകുതിയാണ്.
- ഹദീസ്: ഏതു പ്രവർത്തനമാണ് അല്ലാഹുവിന് ഏറ്റവും പ്രിയങ്കരമായിട്ടുള്ളത്?" നബി -ﷺ- പറഞ്ഞു: "നിസ്കാരം അതിൻ്റെ സമയത്ത് നിർവ്വഹിക്കുന്നതാണ്." ശേഷം ഞാൻ ചോദിച്ചു: "പിന്നെ ഏതാണ്?" നബി -ﷺ- പറഞ്ഞു: "പിന്നെ മാതാപിതാക്കളോട് നന്മ ചെയ്യലാണ്." ഞാൻ ചോദിച്ചു: "പിന്നെ ഏതാണ്?" നബി -ﷺ- പറഞ്ഞു: "അല്ലാഹുവിൻ്റെ മാർഗത്തിൽ യുദ്ധം ചെയ്യലാണ്
- ഹദീസ്: നബി (സ) ക്ക് ഞാൻ 'ലാ ഇലാഹ ഇല്ലല്ലാഹ്, മുഹമ്മദുൻ റസൂലുല്ലാഹ്' എന്ന സാക്ഷ്യവചനവും, നിസ്കാരം നിലർത്തുക എന്നതും, സകാത്ത് നൽകുക എന്നതും, (ഭരണാധികാരിയെ) കേൾക്കുകയും അനുസരിക്കുകയും ചെയ്യാം എന്നതും, എല്ലാ ഓരോ മുസ്ലിമിനോടും ഗുണകാംക്ഷ പുലർത്താമെന്നും കരാർ (ബയ്അത്ത്) നൽകിയിരിക്കുന്നു
- ഹദീസ്: നിങ്ങളുടെ വാതിലിന് അരികിൽ ഒരു അരുവിയുണ്ടായിരിക്കുകയും, അയാൾ അതിൽ എല്ലാ ദിവസവും അഞ്ചു നേരം കുളിക്കുകയും ചെയ്യുന്ന ഒരാളെ കുറിച്ച് നിങ്ങളുടെ അഭിപ്രായമെന്താണ്? അയാളുടെ മേൽ എന്തെങ്കിലും മാലിന്യം അത് ബാക്കിവെക്കുമെന്ന് നിങ്ങൾ പറയുമോ?