हदीस: तिमीहरूले विश्वास नगरेसम्म स्वर्गमा प्रवेश गर्न सक्दैनौ, र तिमीहरूले एकअर्काप्रति प्रेम नगरेसम्म विश्वास गर्न सक्दैनौ। के म तिमीहरूलाई यस्तो कुरामा मार्गदर्शन गरूँ, जसलाई यदि तिमीहरूले गरे, तिमीहरू एकअर्कासँग प्रेम गर्नेछौ? एकअर्कामा सलाम खुब फैलाउनु ।

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَدْخُلُونَ الْجَنَّةَ حَتَّى تُؤْمِنُوا، وَلَا تُؤْمِنُوا حَتَّى تَحَابُّوا، أَوَلَا أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ؟ أَفْشُوا السَّلَامَ بَيْنَكُمْ».
[صحيح] - [رواه مسلم] - [صحيح مسلم: 54]

अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"तिमीहरूले विश्वास नगरेसम्म स्वर्गमा प्रवेश गर्न सक्दैनौ, र तिमीहरूले एकअर्काप्रति प्रेम नगरेसम्म विश्वास गर्न सक्दैनौ। के म तिमीहरूलाई यस्तो कुरामा मार्गदर्शन गरूँ, जसलाई यदि तिमीहरूले गरे, तिमीहरू एकअर्कासँग प्रेम गर्नेछौ? एकअर्कामा सलाम खुब फैलाउनु ।"
[सही] - [मुस्लिमले वर्णन गरेका छन्] - [सही मुस्लिम - 54]

व्याख्या

नबी (सल्लल्लाहु अलैहि वसल्लम) ले भन्नुभएको छ, आस्थावानहरू मात्र स्वर्गमा प्रवेश गर्नेछन् र एकअर्कालाई माया नगरुन्जेल नत आस्था पूर्ण हुन्छ नत मुस्लिम समाजको अवस्था सुध्रिन्छ । त्यसपछि नबी (सल्लल्लाहु अलैहि वसल्लम) ले प्रेम प्रबल र प्रगाढ हुने सबै भन्दा राम्रो कुराको मार्गदर्शन गर्नुभयो, त्यो हो मुस्लिमहरू बीच सलाम फैलाउनु, जसलाई अल्लाहले आफ्ना दासहरूका लागि अभिवादन बनाउनुभएको हो ।

हदीसका केही फाइदाहरू

1. स्वर्गमा प्रवेश गर्न इमान अनिवार्य हो ।
2. पूर्ण आस्था भनेको मुस्लिमले आफ्नो भाइको लागि त्यही मनपराउनु जुन आफ्नो लागि मन पराउँछ ।
3. मुस्लिमहरूलाई सलाम गर्नु र सलामलाई आम गर्नु मुस्तहब हो । किनभने यसले मानिसहरूमा प्रेम र शान्ति फैलाउँछ ।
4. सलाम मुस्लिमहरूलाई मात्र गरिनेछ । किनभने हदीसमा "तिमीहरू बीच" शब्द उल्लेख गरिएको छ ।
5. सलाम (अभिवादन) गर्दा बोलचाल विच्छेद, इर्ष्या र शत्रुताको अन्त्य हुन्छ ।
6. मुस्लिमहरू बीच आपसी प्रेमको महत्त्व र यो नभई आस्था पूर्ण हुनसक्दैन ।
7. ‘अस्सलामु अलैकुम व रह्मतुल्लाहि व बरकातुहु’ सलामको पूर्ण रूप हो, जुन अर्को हदीसमा उल्लेख गरिएको छ र ‘अस्सलामु अलैकुम’ भन्नु पनि पर्याप्त छ ।