Хадис: „Се колнам во Аллах, нема да влезете во Џенетот додека не поверувате, а нема да поверувате додека не се засакате меѓусебно. Па зарем не сакате да ве известам за нешто кое, ако го правите, ќе се сакате? Ширете го селамот помеѓу вас.“

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَدْخُلُونَ الْجَنَّةَ حَتَّى تُؤْمِنُوا، وَلَا تُؤْمِنُوا حَتَّى تَحَابُّوا، أَوَلَا أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ؟ أَفْشُوا السَّلَامَ بَيْنَكُمْ».
[صحيح] - [رواه مسلم] - [صحيح مسلم: 54]

Ебу Хурејре, радијаллаху анху, пренесува дека Аллаховиот пратеник, салаллаху алејхи ве селем, рекол:
„Се колнам во Аллах, нема да влезете во Џенетот додека не поверувате, а нема да поверувате додека не се засакате меѓусебно. Па зарем не сакате да ве известам за нешто кое, ако го правите, ќе се сакате? Ширете го селамот помеѓу вас.“
[صحيح] - [رواه مسلم] - [صحيح مسلم - 54]

Објаснување

Аллаховиот пратеник, алејхи селам, ни објаснува дека само верниците муслимани ќе влезат во рајот. А верувањето нема да биде целосно и состојбата во општеството нема да се подобри сè додека не се засакаат меѓусебно. Потоа, Аллаховиот Пратеник, алејхи селам, нè упатува на дело со кое љубовта се продлабочува, а тоа е честото поздравување со „селам алејкум“ меѓу муслиманите, кое Аллах го пропиша како поздрав на Своите робови.

من فوائد الحديث

1. Влез во Џенетот не е можен без иманот-верувањето.
2. Потполн иман е кога муслиманот му посакува на братот муслиман она што го сака и за себе.
3. Пофално е да го шириме „селамот“ и да ги поздравуваме муслиманите со него, бидејќи со него шириме љубов и сигурност помеѓу луѓето.
4. Поздравувањето со селам е само за муслиманите, бидејќи Аллаховиот пратеник, алејхи селам рече: „Помеѓу вас.“
5. Поздравување со селам го брише непријателството, прекинувањето на врските и одбегнувањето на луѓето.
6. Важноста на љубовта помеѓу муслиманите, таа го потполнува иманот-верувањето.
7. Во друг хадис е пренесен целосен израз на поздравувањето со селам: „Ес-селаму алејкум ве рахметуллахи ве берекатуху“, а доволно е и: „Ес-селаму алејкум.“