Hadithi: Igihe cyose habayeho koroha mu kintu bikigira cyiza, kandi n'igihe nta koroha kubayemo bikigira kibi

عن عائشة رضي الله عنها زوج النبي صلى الله عليه وسلم عن النبي صلى الله عليه وسلم قال:
«إِنَّ الرِّفْقَ لَا يَكُونُ فِي شَيْءٍ إِلَّا زَانَهُ، وَلَا يُنْزَعُ مِنْ شَيْءٍ إِلَّا شَانَهُ».
[صحيح] - [رواه مسلم] - [صحيح مسلم: 2594]

Hadithi yaturutse kwa Aishat (Imana imwishimire), akaba yari n'umugore w'Intumwa y'Imana (Imana iyihe amahoro n'imigisha) yavuze ko Intumwa y'Imana (Imana iyihe amahoro n'imigisha) yavuze iti:
"Igihe cyose habayeho koroha mu kintu bikigira cyiza, kandi n'igihe nta koroha kubayemo bikigira kibi."
[Hadithi y'impamo] - [Yakiriwe na Muslim] - [Swahih Muslim - 2594]

Ibisobanuro birambuye.

Intumwa y'Imana (Imana iyihe amahoro n'imigisha) iragaragaza ko igihe cyose habayeho koroha mu kintu bituma kiba cyiza ndetse kikanuzura, ndetse n'uranzwe nabyo akagera ku ntego ye;
Ariko iyo hatabayeho koroha bikigira kibi, ndetse bikanabuza nyiracyo kugera kucyo ashaka, yanakigeraho akakigeraho bimugoye.

Zimwe mu nyungu dukura muri Hadithi.

1. Gushishikariza kurangwa n'umuco wo koroha.
2. Umuco wo koroha utuma umuntu agaragara neza, ndetse bikaba n'impamvu ya buri icyiza icyo ari cyo cyose muri gahunda ze z'imibereho ndetse n'iz'idini.