ਗੱਲ ਜਾਂ ਬਾਤਾਂ: ਜਿਸ ਨੇ ਦਿਨ ਵਿੱਚ ਸੌ ਵਾਰ ‘ਸੁਬਹਾਨ ਅੱਲਾਹੀ ਵਾ ਬਿਹਮਦਿਹੀ’ (ਅੱਲਾਹ ਪਾਕ ਹੈ ਤੇ ਸਾਰੀਆਂ ਤਾਰੀਫਾਂ ਵਾਲਾ ਹੈ।) ਪੜ੍ਹਿਆ, ਉਸਦੇ ਗੁਨਾਹ ਮਾਫ ਕਰ ਦਿੱਤੇ ਜਾਂਦੇ ਹਨ, ਭਾਵੇਂ ਉਹ ਸਮੁੰਦਰ ਦੀ ਝੱਗ ਦੇ ਬਰਾਬਰ ਹੀ ਕਿਉਂ ਨਾ ਹੋਣ।

عن أبي هريرة رضي الله عنه أن رسول الله صلى الله عليه وسلم قال:
«مَنْ قَالَ: سُبْحَانَ اللهِ وَبِحَمْدِهِ، فِي يَوْمٍ مِائَةَ مَرَّةٍ، حُطَّتْ خَطَايَاهُ وَإِنْ كَانَتْ مِثْلَ زَبَدِ الْبَحْرِ».
[صحيح] - [متفق عليه] - [صحيح البخاري: 6405]

ਅਬੁ-ਹੁਰੈਰਾ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ ਕਿ ਰਸੂਲ ﷺ ਨੇ ਫਰਮਾਇਆ:
"ਜਿਸ ਨੇ ਦਿਨ ਵਿੱਚ ਸੌ ਵਾਰ ‘ਸੁਬਹਾਨ ਅੱਲਾਹੀ ਵਾ ਬਿਹਮਦਿਹੀ’ (ਅੱਲਾਹ ਪਾਕ ਹੈ ਤੇ ਸਾਰੀਆਂ ਤਾਰੀਫਾਂ ਵਾਲਾ ਹੈ।) ਪੜ੍ਹਿਆ, ਉਸਦੇ ਗੁਨਾਹ ਮਾਫ ਕਰ ਦਿੱਤੇ ਜਾਂਦੇ ਹਨ, ਭਾਵੇਂ ਉਹ ਸਮੁੰਦਰ ਦੀ ਝੱਗ ਦੇ ਬਰਾਬਰ ਹੀ ਕਿਉਂ ਨਾ ਹੋਣ।"
[صحيح] - [متفق عليه] - [صحيح البخاري - 6405]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਦੱਸਦੇ ਹਨ ਕਿ ਜਿਸ ਨੇ ਦਿਨ ਭਰ ਵਿੱਚ ਕੋਈ ਸੌ ਵਾਰ 'ਸੁਬਹਾਨ ਅੱਲਾਹੀ ਵਾ ਬਿਹਮਦਿਹੀ’ (ਅੱਲਾਹ ਪਾਕ ਹੈ ਤੇ ਸਾਰੀਆਂ ਤਾਰੀਫਾਂ ਵਾਲਾ ਹੈ।) ਕਿਹਾ, ਉਸਦੇ ਗੁਨਾਹ ਮਿਟਾ ਤੇ ਮਾਫ ਕਰ ਦਿੱਤੇ ਜਾਂਦੇ ਹਨ, ਭਾਵੇਂ ਉਸਦੇ ਗੁਨਾਹ ਸਮੁੰਦਰ ਦੀ ਛੱਲਾਂ ਨਾਲ ਉੱਪਰ ਆਉਣ ਵਾਲੀ ਝੱਗ ਦੇ ਜਿੰਨੇ ਹੀ ਕਿਉਂ ਨਾ ਹੋਣ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਇਹ ਸਵਾਬ ਦਿਨ ਵਿੱਚ ਲਗਾਤਾਰ (ਬਿਨਾ ਰੁਕੇ) ਪੜ੍ਹਨ ਵਾਲੇ ਨੂੰ ਵੀ ਅਤੇ ਟੁਕੜਿਆਂ ਵਿੱਚ ਰੁਕ-ਰੁਕ ਕੇ ਪੜ੍ਹਨ ਵਾਲੇ ਨੂੰ ਵੀ ਹਾਸਲ ਹੋਵੇਗਾ।
2. ਤਸਬੀਹ ਦਾ ਮਤਲਬ ਹੈ ਅੱਲਾਹ ਤਆਲਾ ਨੂੰ ਸਾਰੀਆਂ ਕਮੀਆਂ ਤੇ ਅਪੂਰਨਤਾ ਤੋਂ ਪਾਕ (ਮੁਕਤ) ਮੰਨਣਾ ਅਤੇ 'ਹਮਦ' ਦਾ ਮਤਲਬ ਹੈ ਉਸ ਨਾਲ ਮੁਹੱਬਤ ਰੱਖਦੇ ਹੋਏ ਅਤੇ ਉਸਦਾ ਸਨਮਾਨ-ਸਤਿਕਾਰ ਕਰਦੇ ਹੋਏ, ਉਸਨੂੰ ਹਰ ਪ੍ਰਕਾਰ ਦੀ ਸੰਪੂਰਨਤਾ ਨਾਲ ਭਰਪੂਰ ਮੰਨਣਾ।
3. ਇਸ ਹਦੀਸ ਵਿੱਚ ਗੁਨਾਹ ਦੀ ਮਾਫੀ ਤੋਂ ਮੁਰਾਦ ਛੋਟੇ ਗੁਨਾਹਾਂ ਦੀ ਮਾਫੀ ਹੈ। ਜਦੋਂ ਕਿ ਵੱਡੇ ਗੁਨਾਹਾਂ ਦੀ ਮਾਫੀ ਲਈ ਤੌਬਾ ਕਰਨੀ ਜ਼ਰੂਰੀ ਹੁੰਦੀ ਹੈ।