حدیث: جس نے ”سُبْحَانَ اللَّهِ وَبِحَمْدِهِ“ سو مرتبہ کہا، اس کے گناہ معاف کر دیے جاتے ہیں، خواہ سمندر کی جھاگ کے برابر ہی کیوں نہ ہوں۔
عن أبي هريرة رضي الله عنه عن النبي صلى الله عليه وسلم قال: «مَنْ قَالَ: سُبْحَانَ اللَّهِ وَبِحَمْدِهِ في يومٍ مِائَةَ مَرَّةٍ حُطَّتْ عَنْهُ خَطَايَاهُ وَإِنْ كَانَتْ مِثْلَ زَبَدِ الْبَحْرِ».
[صحيح] - [متفق عليه]
المزيــد ...
ابو ھریرہ رضی اللہ عنہ سے روایت ہے کہ رسول اللہ ﷺ نے فرمایا: ”جس نے ”سُبْحَانَ اللَّهِ وَبِحَمْدِهِ“ سو مرتبہ پڑھا، اس کے گناہ معاف کر دیے جاتے ہیں، خواہ سمندر کی جھاگ کے برابر ہی کیوں نہ ہوں۔“
صحیح - متفق علیہ
یہ حدیث اس ذکر کی فضیلت پر دلالت کرتی ہے جو تسبیح کے اس صیغہ پر مشتمل ہے، جو یہ ذکر کرے گا اللہ تعالیٰ اس کے گناہوں کو معاف کر دے گا خواہ وہ کتنے ہی زیادہ کیوں نہ ہو۔ اگرچہ اس کے گناہ کثرت میں سمندر کے جھاگ کے برابر ہی کیوں نہ ہوں۔ اللہ کا ذکر کرنے والے بندوں کے لیے اس کا فضل ہے۔ یہ صبح کے اذکار میں سے ہے اس لیے کہ حدیث میں ’فی یوم‘ (دن میں) کا لفظ ہے، اسی طرح یہ شام کے اذکار میں بھی شامل ہے جیسا کہ ابوہریرہ رضی اللہ عنہ کی اس روایت میں ہے: ”جو شخص صبح یا شام ”سُبْحَانَ اللَّهِ وَبِحَمْدِهِ“ سو بار کہے گا، اُس سے افضل عمل قیامت کے دن کوئی اور لے کر نہیں آئے گا، مگر وہ شخص جس نے اس کے مثل یا اس سے زیادہ یہ کلمات کہے“۔ (مسلم)
حدیث کے کچھ فوائد
- اس ذکر کی فضیلت، جو اللہ کی تسبیح اور اس کو ان عیوب و نقائص سے پاک کرنے پر مشتمل ہے، جو اس کی شان کے لائق نہیں ہیں۔
- اس حدیث کے ظاہر سے معلوم ہوتا ہے کہ یہ ثواب اس شخص کو ملے گا، جو ان کلمات کو دن میں سو بار کہے گا، خواہ سو بار مسلسل کہے یا متفرق طور پر یا پھر کچھ بار دن میں کہے اور کچھ بار رات میں۔
- آپﷺ کے فرمان : "من قال ..." یعنی جو شخص کہے، میں ان لوگوں کا رد ہے، جو کہتے ہیں کہ بندہ اپنے فعل پر مجبور ہے اور اس کو کوئی اختیار حاصل نہیں ہے۔
زمرے
مزید ۔ ۔ ۔
- حدیث: پانچوں نمازیں، ایک جمعہ دوسرے جمعہ تک اور ایک رمضان دوسرے رمضان تک اپنے مابین سرزد ہونے والے گناہوں کا کفارہ بن جاتے ہیں، بشرطے کہ کبیرہ گناہوں سے اجتناب کیا جائے۔
- حدیث: ایک بندے نے گناہ کیا، پھر کہنے لگا: اے اللہ! میرا گناہ معاف کر دے۔ اس پر اللہ تبارک وتعالی نے فرمایا: میرے بندے نے گناہ کیا اور وہ جانتا ہے کہ اس کا ایک رب ہے جو گناہ کو معاف کر دیتا ہے اور گناہ پر گرفت بھی کرتا ہے
- حدیث: کچھ لوگ اللہ کے مال میں ناحق تصرف کرتے ہیں۔ چنانچہ ایسے لوگوں کے لیے قیامت کے دن جہنم ہے۔
- حدیث: مرنے والوں کو برا مت کہو؛ کیوں کہ جو اعمال انھوں نے آگے بھیجے، وہ ان تک پہنچ چکے ہیں۔
- حدیث: کسی مسلمان کے لیے جائز نہیں کہ وہ تین راتوں سےزیادہ اپنے بھائی سے قطعِ تعلقی رکھے بایں طور کہ ان کا آمنا سامنا ہو تو وہ ایک دوسرے سے منہ موڑ لیں۔ ان میں سے بہتر وہ ہے جو سلام میں پہل کر لے۔
- حدیث: قطع رحمی کرنے والا جنت میں داخل نہیں ہو گا۔
- حدیث: اللہ تعالیٰ کے نزدیک سب سے زیادہ ناپسنديده وہ آدمی ہے جو سخت جھگڑالو ہو۔