Hadiis: Zũnuub bεda: yaa lagem-n-taar ne Wẽnde la roagdb a yiibã namsgo la yõor kʋʋbo la wẽen bõrdga
عن عبد الله بن عمرو بن العاص رضي الله عنهما عن النبي صلى الله عليه وسلم قال:
«الْكَبَائِرُ: الْإِشْرَاكُ بِاللهِ، وَعُقُوقُ الْوَالِدَيْنِ، وَقَتْلُ النَّفْسِ، وَالْيَمِينُ الْغَمُوسُ».
[صحيح] - [رواه البخاري] - [صحيح البخاري: 6675]
المزيــد ...
Yii a ̌Abdʋllaah ɭbn ̌Ambr ɭbn Al-̌aaṣ nengẽ (Wẽnd yard be b yiibã yĩnga): tɩ yii Nabiyaamã nengẽ, (Wẽnd pʋʋsg la A tɩlgr be a yĩnga) a yeelame:
«Zũnuub bεda: yaa lagem-n-taar ne Wẽnde la roagdb a yiibã namsgo la yõor kʋʋbo la wẽen bõrdga».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 6675]
Nabiyaamã, (Wẽnd pʋʋsg la A tɩlgr be a yĩnga) kõta kibare ne zũnuub bεdã, bãmb me la b sẽn pʋlem a maandã pʋlem beedo, dũni kaanẽ maa laahre.
Rẽenem soaba: yaa lagm-n-taar ne Wẽnde: yẽ me yaa f sẽn na n wẽnms tũud-rãmbẽ wã, tũudum, n kõ zẽng sẽn ka Wẽnde, la fo sẽn na n zemsg zẽng sẽn ka Wẽnd ne Wẽnde, bũmb ning sẽn welg ne Wẽndã pʋgẽ, A sobẽndã wεεngẽ la yʋɩy wã la sɩf-rãmbẽ wã.
Yiib soaba: Yaa roagdb a yiibã namsgo: yẽ me yɑɑ namsg buud fãa ne roagdb a yiibã, zem tɩ yaa gomde, maa yaa tʋʋmde, la fo sẽn na n bas manegr n tʋg b yiibã.
Tãab soaba: yaa yõor kʋʋbo, tɩ ka tũ ne hakε, wala sẽn na n kʋ-a ne wẽgdo la beem bala.
Naas soaba "yaa wẽen bõrdga": yẽ me yaa zĩri-beed wẽenego n yaaol n miẽ tɩ yaa zĩri, b pʋd-a-la woto, bala a bõrdɑ a soabã zũnuubã maa Bugmã pʋgẽ.
Sẽn be Hɑdiisã yõod-rãmbẽ
- Wẽen bõrdgã a ka tar tʋʋm sẽn maand maan n rol tɩ yaaf-a ye; a bedremã la a wẽngã sẽn ta zĩig ningã yĩnga, lɑ sẽn be a pʋgẽ, yaa tuub n bas bala.
- Sẽn kʋʋg koεεg n togs zũnuub bεd-kãensã a naasã, hadiisã pʋgẽ wã, tɩ yaa b zũnuubã zɩslem sẽn ta zĩig ninga, ka wilgd tɩ yaa b tεka la woto ye.
- Zũnuub-rãmbã, b pʋɩta bεda la bãɑnego, la zũnuub bedrã yẽnda la zũnuub fãa b sẽn rogl namsg a zugu dũni kaanẽ, wala sãri wã maan-n-rolgã, maa kãabgo, maa pʋlen-wẽng n be beenẽ alkiyoom raare, wala sẽn na n pʋlem t'a soabã kẽeda Bugmẽ, la zũnuub bεda me yɩɩda taaba, sãnda wẽng yɩɩda sãnda gɩdgrã (Hɑrɑɑmã) wεεngẽ, la sã n yaa zũnuub bãɑnegã yaa sẽn ka ta zũnuub bεdã.
Pɑɑgã
- Hadiis: m pa na n kõ-y kibar ne zũnuub bεdã sẽn yɩɩd bedrem?"
- Hadiis: Zoe-y n zãag-y yel-halkds a yopoe wã
- Hadiis: Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã
- Hadiis: Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ
- Hadiis: Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare
- Hadiis: Ra tʋ-y kiidbã ye, ad b loogame n kẽng b sẽn tʋm tɩ reng taoorẽ wã
- Hadiis: Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã