Hadithi: Mëkatet e mëdha janë: t'i bëhet shirk Allahut, mosrespektimi i prindërve, vrasja e njeriut dhe betimi i rrejshëm

عن عبد الله بن عمرو بن العاص رضي الله عنهما عن النبي صلى الله عليه وسلم قال: «الكبائر: الإشراك بالله، وعُقُوق الوالدين، وقتل النفس، واليمين الغَمُوس».
[صحيح] - [رواه البخاري]

Abdullah ibn Amër ibn Asi (Allahu qoftë i kënaqur me ta!) transmeton se Profeti ﷺ ka thënë: "c2">“Mëkatet e mëdha janë: t'i bëhet shirk Allahut, mosrespektimi i prindërve, vrasja e njeriut dhe betimi i rrejshëm.”
Ky hadith është sahih. - E shënon Buhariu.

Shpjegimi

Ky hadith përfshin disa mëkate, të cilat u cilësuan si të mëdha. U quajtën kësisoj për faktin se dëmi i tyre është i madh për vepruesin e tyre dhe për njerëzit, si në këtë botë, ashtu dhe në botën tjetër. I pari është: "T'i bëhet shirk Allahut", pra, të mohohet Allahu, duke adhuruar së bashku me Të dikë a diçka tjetër dhe duke e mohuar adhurimin e Zotit. I dyti është: "Mosrespketimi i prindërve." Ky mosrespektim nënkupton që fëmija të veprojë me prindërit e tij, ose ndonjërin prej tyre diçka që zakonisht lëndohen për shkak të tij, bie fjala, mosnderimi i tyre, sharja e tyre, mosngritja dhe mospërkujdesi për ta kur kanë nevojë për fëmijën. I treti është: "Vrasja e njeriut", pa të drejtë, siç është vrasja padrejtësisht dhe armiqësisht. Mirëpo, nëse personi e meriton vrasjen me të drejtë, si: ligji i barazisë në ndëshkim (ar. kisas) dhe të tjerë, atëherë nuk hyn në kuptimin e këtij hadithi. Më pas hadithi u përmbyll me kërcënim ndaj "betimit të rrejshëm (fundosës)". U quajt betim fundosës (ar. gamus), sepse e fundos personin në mëkat ose në Zjarr, për shkak të betimit rrejshëm duke e ditur këtë.