عن عبد الله بن عمرو بن العاص رضي الله عنهما عن النبي صلى الله عليه وسلم قال: «الكبائر: الإشراك بالله، وعُقُوق الوالدين، وقتل النفس، واليمين الغَمُوس».
[صحيح] - [رواه البخاري]
المزيــد ...

له عبدالله بن عمرو بن العاص – رضي الله عنه – څخه روایت دی – چې رسول الله صلی الله علیه وسلم – وفرمایل: لوی ګناهونه: له الله سره شرک کول، د مور او پلار نافرماني کول، د نفس وژل، او په دروغو باندې قسم خوړل دی.
صحيح - بخاري روايت کړی دی

تشریح

دا حدیث د یو شمیر هغو ګناهونو په اړه دی چې په لویو ګناهونو نومول شوي دي، او پدې نوم سره نومول یې د هغه لوی ضرر له امله دي چې تر سره کوونکي او خلکو ته په دنیا او اخرت کې رسیږي؛ لومړی یې «له الله سره شرک کول» دي: یعنې په الله تعالی باندې کفرکول، داسې چې د هغه سره د بل چا عبادت وشي او د خپل رب له عبادت څخه سرغړونه وشي، دویم يې د مور او پلار نافرماني ده: د نافرمانۍ مفهوم دا دی چې: د مور او پلار سره یا د دوی څخه له یو سره داسې یو عمل تر سره شي چې د دود له مخې پرې هغوی ازاریږي لکه د هغوی احترام نه کول، هغوی ته سپکې سپورې ویل، او د اړتیا پر مهال یې د اولاد لخوا د ضرورتونو نه ترسره کول، او دريم يې په ناحقه «د نفس وژل» دي: لکه په ظلم او تیري سره قتل کول، خو که يو څوک په حقه د وژلو مستحق وي لکه قصاص او داسې نور.. نو هغه د دې حديث په مفهوم کې نه راځي. بیا حدیث له "غموس قسم" څخه په ویرولو سره پای ته ورسید: دې قسم ته غوموس ځکه وویل شو چې دا خپل مالک په ګناه یا اور کې ډوبوي. ځکه چې هغه د پوهې سره په دروغو قسم یاد کړی.

ژباړه: انګلیسي فرانسوي هسپانوي ترکي اردو اندونیسیایي بوسنیایي روسي بنګالي چینایي فارسي تګالوګ هندي ویتنامي ژبه سنیګالي ژبه اویغوري ژبه کردي ژبه هوساوي ژبه پرتګالي ژبه ملیالمي ژبه تلګویي ژبه سواحيلي ژبه تاميلي برمایی ژبه تايلندي ألماني ياباني آسامي ألباني السويدية الأمهرية الهولندية الغوجاراتية
د ژباړو کتنه

د حديث له ګټو څخه

  1. په دې ګناهونو له اخته کیدو څخه ویرول؛ ځکه چې له کبیره ګناهونو څخه دي.
  2. د دې وضاحت چې قسمونه څو ډولونه لري، له هغې څخه: (یمین الغموس ) یعنې د ډوبېدو قسم، دا هغه قسم دی چې خپل مالک په اور کې ډوبوي او بل یې (منعقده قسم دی) کوم چې خاوند يې د يو شي د کولو يا پرېښودلو قسم کوي، نو که د قسم خلاف عمل یې وکړ کفاره پرې لازمیږي، او بل یې ( یمین اللغو) دی چې موخه ورڅخه قسم نه وي، بلکه په ژبه یې د عادت له مخې راځي لکه: نه والله، هو والله.
  3. په حدیث کې د دې څلورو ډولونو محدودول لدې امله دي چې دا له سترو کبیره ګناهونو څخه دي او جرم یې سخت دی، او موخه ورڅخه پدې باندې محدودول ندی.
نور